حكى الفنان الكبير فؤاد المهندس فى حلقة "الكلمة الحلوة" ببرنامجه الإذاعى الشهير كلمتين وبس أثر الكلمة الحلوة على حياة الناس ومدى تأثيرها"، قائلا "سيد أفندي لاحظ إن الكلمة حلوة قربت تختفي من المجتمع ومن حياة الناس قال لعبده أفندي ايه الحكاية؟ عبده قال له قصدك ايه بالكلمة الحلوة؟ قال له: "كلمة الحب والتشجيع والصدق والتسامح، دلوقتي الواحد يدور على أي كلمة ميلقيش الدنيا جرالها ايه؟".
وتابع، "كلمة التشجيع مهمة في المدرسة وفي البيت والنادي والشغل من غير تشجيع الناس تقف مكانها حتى أكبر مغنى وأكبر فنان مش هيقدر يشتغل بهمة من غير كلمة حلوة".. الكلمة الحلوة ممكن تمسح متاعب الإنسان وتخليه يستمر في حياته بشكل أرقى، سهل إنك تتعصب وتقول كلام وحش، بس الأصعب والأجمل إنك تقول كلمة حلوة تشجع الناس على التقدم وتديهم ثقة في نفسهم، مش كده ولا إيه؟".
