رشا البركة.. أمها سابتها جعانة رجعت لقت قدامها خير ربنا.. "فتحى شو"

شفطوا النخاع فأصبحت عاجزة كليا عن الحركة والكلام والفهم ولكن علاقتها بالخالق سبحانه وتعالى علاقة ليها العجب، أطلقوا عليها رشا البركة، خرجت والدتها ذات يوم لاحضار طعام لها، وهى جائعة رجعت وجدت عندها طعامها، ضربتها والدتها ذات يوم توقفت يدها سنين وأصيبت إصابة بالغة لم تشف منها حتى الآن .

وفى حلقة جديدة من برنامج "فتحى شو"، تقديم محمد فتحى عبد الغفار، نسلط الضوء على "رشا البركة"، الفتاة التي لا تعلم شيئ عن العالم الذى نعيشه ويحيط بنا لا تعرف شيئ سوى الله عز وجل ووالدتها وبعض من موسيقات الفنانة الراحلة أم كلثوم بعد تعرضها لحمى شوكية فنعرض على حضراتكم حكاية رشا في هذا الفيديو.

تقول "أم رشا"، "رشا سخنت وروحت بيها المستشفى الدكتور شفط النخاع بتاع ضهرها وبقى ده حالها، كل لما اروح لدكتور يقولى مين اللى آذاها كده، وفى دكتور قالى ما تدينى البنت ديه اكتب عليها وتعيش معايا ديه بركة ربنا وانا رفضت الطلب بتاعه لانى هظلمه واظلمها هي كمان هي مش بتعرف تربط لنفسها زرار الجلبية".

وتابعت، "ساعات بضربها علشان بتضايقنى وايدى وقفت لما ضربتها وورمت ولحد دلوقتى مش عايز يروح الورم من ايدى وابوها لما ضربها ايده اتشلت وقعد فترة كبيرة جدا ميتكلمش، رشا بتصلى بتحط المصلية كده وتقف تشاور وتقول يارب، بيجيلها ناس انا معرفهاش يسالوا عليها ويمشوا معرفش الناس ديه مين ولا عمرى شوفتهم قبل كده".

واستكملت، "بتضحك وهى نايمة لما الملايكة يجولها، وبتحب أم كلثوم جدا كل يوم تقعد علشان تفتح المحطة بتاعتها وتقعد تسمع الساعة ديه، رشا عندها 37 سنة كبيرة مش صغيرة جعانة او عطشانة تقول يارب متقولش انا جعانة او عطشانة، مرة نزلت اجيبلها اكل علشان كانت جعانة رجعت لاقيت قدامها أكل سالتها منين شاورت على السما وقالت يارب ومش عارفة لحد دلوقتى مين اللى جابلها الاكل ده مع انى كنت قافلة عليها".

واختتمت، "بتكلم ربنا كل يوم وهى نايمة وبتصلى وبتصوم بس مبتعرفش تتكلم الكلمة الوحيدة اللى بتقولها على طول هي يارب مبتقولش غير كده، وديه أحسن كلمه يا ابنى في الحياة يااارب يااارب يااارب".