أسرار عديدة كشفها النجم المصرى محمد صلاح، لاعب ليفربول، عن حياته الخاصة فى حواره مع الفنانة إسعاد يونس فى برنامج صاحبة السعادة، على قناة دى إم سى.
روى قصة حبه لزوجته "ماجى": "مهما أقول لن أوفيها حقها لأنها أكثر شخص يعانى معى وتهتم بالأطفال فى غيابى وأحياناً يكون على ضغط ومودى مش حلو، وهى عليها ضغط بشكل مختلف"، وقال "إحنا من بلد واحدة وكنا مع بعض فى المدرسة، وعلاقتنا بدأت بخناقات واتكلمنا سنتين وهى فى الجامعة وبعدها ارتبطنا رسمى".
وواصل صلاح "اتعرفنا على بعض وعرفنا بعض كويس وبعدما ظبطت أمورى بسويسرا وقبل توقيعى لتشيلسى اتجوزنا كان وشها حلو عليا، وبعد ذلك انضميت إلى تشيلسى"، وأضاف مازحاً: "ملعبتش ومكانش وشها حلو عليا وقلتلها إنتى السبب، وزوجتى هادية بطبعها وظهورها قليل على السوشيال ميديا".
وعن حلمه بأن يرزق بولد، قال: "من صغرى عايز ولد.. لكن مابقاش فارق معايا حاجة بعد مكة وكيان".
وعن مسيرته الكروية قال: فى بداية احترافى كان هدفى منح الأمل للناس، ولو مت دلوقتى هكون حققت حاجة، ولما احترفت فى أوروبا قولت عايز أعمل إنجاز محدش عمله فى تاريخ مصر، وأشار إلى أن صعود مصر لمونديال 2018 أفضل لحظة فى مشواره.
تم أضافة تعليقك سوف يظهر بعد المراجعة