استعرضت الإعلامية لبنى عسل، ببرنامجها "الحياة اليوم" المذاع عبر قناة الحياة، البوسترات الترويجية للأعمال الدرامية خلال شهر رمضان 2022، والمزمع عرضها على منصة WATCH IT.
وقالت الإعلامية لبنى عسل: "ممكن تتفرج على كل اللى انت عايزه ومن غير فواصل ولا إعلانات، ويبقى كل حاجة متاحة قدامك، وحصل تطوير كبير لمنصة WATCH IT فى الشكل والصفحة والمحتوى والتقسيم بين الأفلام والمسلسلات عربى وأجنبى، والمسألة بقت سهلة، ده غير إنك هتشوف كل الأعمال الدرامية فى شهر رمضان هتكون مذاعة وموجودة على WATCH IT".
وتابعت: "التنظيم اللى حصل فى الفن والإنتاج، لم يبقى المسلسل والنجم هو البطل الأوحد، اللى ياخد كل الميزانية وبالتالى مايبقاش فيه تواجد لنجوم تانية وكبار، ولكن الموضوع بقى فيه تنوع وبقى فيه إنك تشوف أكبر عدد من النجوم وكلهم من العيار التقيل فى عمل مع بعض علشان يعطى ثراء للعمل وتنوع ومنافسة ليصب فى النهاية فى صالح الفن المصرى وقوتنا الناعمة والعمل الإنتاجى بشكل عام".
