شهد الرئيس عبد الفتاح السيسي، الندوة التثقيفية الـ 35 للقوات المسلحة بمناسبة يوم الشهيد، وتحدث الرئيس عبد الفتاح السيسي عن معاناة أهالى الشهداء، قائلا: "فراق الابن أو الزوج أو الأب صعب.. بشكر اللى قدموا العرض الدرامى عن تضحية الشهداء.. الكلام ده قولتله قبل كده.. يا مصريين ده ثمن كبير أوى اندفع علشان كلنا نعيش.. فأقل تمن ندفعه أننا نحافظ على اللى هما ضحوا من أجله.. شبابنا زينة شباب مصر من كل حتة.. من جيش وشرطة وقضاء.. حتى المواطنين العاديين".
جاء ذلك خلال كلمة الرئيس عبد الفتاح السيسي، والتى نستعرضها خلال هذا الإنفوجراف...
كل الشكر والتقدير والاعتزاز لأسر الشهداء والمصابين
اللى راح سند وضهر وكل الأسر أسرنا.. ناس بسيطة زينا
مستعدين نقدم أكتر.. والأب بيقول وأنا كمان من فضلكم
العهد إن مصر تفضل موجودة بما يليق بدم وروح كل شهيد
الشر مش ممكن ينتصر أبدا على أهل الخير وهنحارب ونبنى ونشتغل وإحنا بنقاتل
اللى اتحقق حتى لو شايفينه كتير ده أقل من المستهدف
العهد للشهداء إننا نحافظ على مصر بما يليق بدمائهم وأرواحهم
معدلات تقدم الجيش والشرطة لم تتوقف لحظة فى أصعب الأوقات
لم يتوقف جندى ولا ضابط صف ولا ضابط نفس معدلات الإنجاز ويمكن زادت
الشعب اللى يعمل كده ده كرم من ربنا.. وربنا لازم يساعده
كل شىء يهون لكن تفضل البلد ونحافظ عليها ونبنيها ونكمل بناء
نستحضر اليوم بطولات رجال صدقوا الوعد وبذلوا كل غالٍ ونفيس من أجل الوطن
مصر الحرة الكريمة تستحق منا كل فداء وتفانٍ وتضحية
يمثل يوم الشهيد مناسبة متجددة لتكريم أبناء مصر المخلصين
نكرم عطاء الصامدين حاملى المسؤولية ليحيا شعب مصر العظيم فى سلام وأمان واستقرار
تم أضافة تعليقك سوف يظهر بعد المراجعة