"حاولت أثبت للعالم أن قصار القامة بني آدمين يقدرون على تحقيق النجاح، وواصلت الذهاب إلي المدرسة رغم كل ما تعرضت له من زملائي وبعض المدرسين وفي مجال الرياضة تدربت كثيرا وواظبت علي مواعيد التمرين حتي حصلت علي الحزام الأسود في رياضة الكاراتيه واصبحت أول مدربة من قصار القامة وحصلت علي عدة بطولات بتلك الكلمات روت لنا بسملة أيمن تفاصيل حكايتها مع رياضة الكاراتيه.
وقالت بسملة ل " اليوم السابع " أنا زي أي بنت في سني بروح المدرسة والنادى وبحب المكياج وبلبس هدومى علي الموضة يعني مش بحس إن ناقصني حاجة رغم قصر قامتي وعمري الآن 15 عاما لكن طولي لم يتجاوز الـ100 سم وهذا لم يمنعني أن أعيش الحياة بشكل طبيعي وحققت بطولات في رياضة الكاراتيه وحصلت علي الحزام الأسود
واضافت بسملة في البداية واجهت كثيرا من الصعاب والتنمر علي قصر قامتي كان يسبب لي حزنا شديدا وكنت أعود إلي البيت أبكى وقولت لأمى وأنا صغيرة "أنا عاوزه أرجع تاني جوه بطنك أنا ليه موجودة في الدنيا كل الناس بتتنمر علي شكلي" لكن والدى كان له دور كبير في إعادة ثقتي بنفسي وجعلني أواجه الحياة بقوة ولا ألتفت لكل المتنمرين.
