طقس غريب تتبعه الفنانة هاجر أحمد مع ابنتها التى تبلغ 7 أشهر منذ ولادتها، كشفت عنه فى برنامج "سهرانين" مع النجم أمير كرارة، قائلة: "بعمل عيد ميلاد لابنتى كل شهر، علشان كل يوم بيعدى بعتبره إنجاز وهى عندها 7 شهور دلوقتى".
وتابعت هاجر أحمد: "كان نفسى أسميها إيزابيل لأنى كنت بعمل مسرح إسبانى، وكانت عجبانى الشخصية اللى بعملها وكان اسمها إيزابيل، بس أحمد زوجى اعترض وقال هيسميها غالية وأنا وافقت".
وعن أيام طفولتها حكت هاجر قائلة: "وأنا صغيرة كنت شقية وبلعب كتير جدا واحنا 9 إخوات والفرق بينى وبين أخويا الكبير 18 سنة، وكنت بحب التمثيل من صغرى من قبل المدرسة، وأول ما بدأت أمثل أهلى كانوا رافضين لأنهم كانوا قلقانين عليا بسبب أوقات التصوير وأنا أصغر واحدة فى أخواتى، فمهما كبرت أنا بالنسبة لهم صغيرة، وأختى الكبيرة كانت بتيجى معايا التصوير توصلنى وتستنانى".
