تحدث المخرج والسيناريست عمرو سلامة عن فيلم "60 جنيه" وعن رؤيته لموهبة زياد ظاظا قائلاً: "معظم مطربى الراب مؤدين جيدين وهما بيعرفوا يأدوا فبشوف دايمًا إن عندهم بذرة ممثل واشتغلت مع زياد ظاظا كتير وهو استعان بمدربين تمثيل، وهو عنده موهبة فطرية".
وعن تعاونه المتكرر مع مطربى الراب قال عمرو سلامة: "أنا بحب أغانيهم وبحب اشتغل معاهم وحتى لما اشتغلت مع ويجز كان فى كمان شاهين وبسيوني وناس كتير وأنا بسمعهم كل يوم وبحب أتعامل معاهم واشتغل معاهم لو اتيحت الفرصة".
وعن إيرادات فيلم شماريخ قال عمرو سلامة: "مبسوط جدًا بتحقيقه ايرادات كويسة لأنه نازل فى وقت الظروف فيه صعبة وكمان الموسم فى امتحانات، فشيء كويس انه محقق الإيرادات بالشكل الكبير ده وسعيد كمان بحالة التفاعل بين الجمهور وأنه عامل حالة نقاش وجدل معينة".
عمرو سلامة عن فيلم شمس الزناتى
وعن فيلم شمس الزناتي الذى يستعد له المخرج عمرو سلامة كشف للمرة الأولى عن الحقبة الزمنية الذى يتناولها الفيلم وموعد عرضه بقوله: "لو ربنا كرمنا إن شاء الله نعرضه فى عام 2024، وأحداث الفيلم ما قبل الفيلم الأولاني بطولة الزعيم عادل إمام، بيحكى كيف تكونت هذه الشلة وما حدث من قبل".
![عمر-سلامة-(1) عمر-سلامة-(1)](https://img.youm7.com/ArticleImgs/2023/12/16/62572-عمر-سلامة-(1).jpg)
عمر-سلامة
![عمر-سلامة-(2) عمر-سلامة-(2)](https://img.youm7.com/ArticleImgs/2023/12/16/65372-عمر-سلامة-(2).jpg)
عمر-سلامة
![عمر-سلامة-(3) عمر-سلامة-(3)](https://img.youm7.com/ArticleImgs/2023/12/16/70976-عمر-سلامة-(3).jpg)
عمر-سلامة
تم أضافة تعليقك سوف يظهر بعد المراجعة