نشر المخرج هشام، نجل المخرج الكبير علي عبد الخالق، عبر حسابه بموقع فيس بوك تعليقا قال فيه: "عن خالد يوسف للمشاهد العادي الذي لا يعلم ولمن يعلمون ولكن في نفوسهم غرض: إيه رأيكم في الإتقان في فيلم Braveheartطيب الصورة في البوست ده فيها عربية في الخلفية محدش خد باله منها !!طيب إيه رأيكم في فيلم Pulp Fiction لواحد من أهم مخرجي العالم الصورة المرفقة في ثقب من ضرب الرصاص في الحيطة قبل ما يبدأ إطلاق النار أساسا ..أنبوبة الغاز من فيلم Gladiator طيب هل الناس دي مهملة؟ وإيه علاقة البوست ده بخالد يوسف".
وأكمل: "محدش بيقول على الخطأ صح وجميل ولكن الأخطاء اللي زي دي في كومبارس بالمئات أو آلاف وسط مليون عنصر من أزياء وديكورات وإكسسوار مصنع إلخ، وارد جدا (مساعد مخرج)، أو مساعد إكسسوار أو ملابس مايشوفوش الغلطة دي أو أن مثلا الكومبارس في حالتنا دي الحذاء المصروف له ضيق مثلا، ففي لحظة خبث رجع لبس حذائه إلخ، الخطأ هنا مش على المخرج لأنه مش جزمجى (ولا تصدق أن في مخرج عنده وقت يراجع ألف تفصيله كل لقطة وبرده حيغلط)! واللى بيقولك كل التفاصيل في وش المخرج ده بيقول كلام صح يراد به باطل، وبيضحك فيه على اللى مالهمش في الشغلانه (حتى المساعد بنتسامح معاه ومش بنقتله على خطأ زى ده)".
وأضاف هشام: "ملحوظة.. عندى عشرات أخطاء زي دي في أهم الأفلام العالمية والمخرج محدش قاله كفاية اقعد في البيت، لا هو ولا المساعد ولا المونتير اللي عدت من أمامه الغلطة (وكلامي لا ينفي إنها غلطة ولكن أثرها يكون كبير عند المتربصين فقط".
وأكمل: "ملحوظة 2.. حاولنا في فيلم أجنبي إننا نوفر كومبارس يبانوا أوروبيين ولما اتطلب عدد معين فشلنا تماما والأجانب صناع الفيلم رفضوا إن الروس بديل للأوروبي، وانتهت الحكاية بـ 5 أو 6 أفراد على الواجهة وارتضى المخرج بأوربيين من قرى مصر".
![حساب المخرج هشام علي عبد الخالق حساب المخرج هشام علي عبد الخالق](https://img.youm7.com/ArticleImgs/2023/3/28/126887-WhatsApp-Image-2023-03-28-at-9.00.32-PM.jpeg)
حساب المخرج هشام علي عبد الخالق
![حساب المخرج هشام علي عبد الخالق حساب المخرج هشام علي عبد الخالق](https://img.youm7.com/ArticleImgs/2023/3/28/131273-WhatsApp-Image-2023-03-28-at-9.00.35-PM.jpeg)
حساب المخرج هشام علي عبد الخالق
تم أضافة تعليقك سوف يظهر بعد المراجعة