قالت الفنانة ياسمين وافي ابنة الفنان الراحل ممدوح وافي عن دورها فى مسلسل "فاتن أمل حربى"، إنه عرض عليا دور أكبر من اللى قدمته وطلبت من المخرج دور تانى أقل بس تاثيره أكبر وأنا لا أهتم بحجم الدور ولكن بتأثيره.
وأضافت ياسيمن خلال لقائها مع الإعلامى دكتور عمرو الليثى بيرنامجه واحد من الناس على شاشة الحياة، وأنا يمكن علشان اشتغلت مخرج منفذ فالفن مش بالنسبة لي رسالة وليس لقمة عيش.
وعن دورها فى مسلسل "موضوع عائلى"، قالت: "قدمت شخصية أم ليث، وأنا ربنا رزقنى بمخرجين جامدين جدا أستاذ أحمد الجندى، منظم وقوى جدا ودارس السيناريو والقصة كويس وبيعمل جلسات قراءة لكل الممثلين".
وتابعت ياسمين: "مثلت بعد وفاة والدها ممدوح وافي بـ١٥ سنة، وهو كان بيحب شغلانته أوى وفخور بيها أوى، وعنده شغف حقيقى بالتمثيل، وكان عنده قبول مثل الأطفال، ووعى فنى إزاى بيحول الشخصية اللى بيعملها إلى نمط فنى، وهو كان يفضل المسرح عن أى أعمال فنية أخرى وكان بيبدع فيه لأنه بيحب المسرح، وكان فخور بشغله مع المخرج عاطف الطيب، ومسرحية على بلاطة وكان فخور جدا بها، وفكرة أنه أخد حظه من الشهرة لم تكن تشغله، لأنه عاش اللى بيحبه، وأنها شبهه جدًا جداً ".
تم أضافة تعليقك سوف يظهر بعد المراجعة