أكدت الدكتورة سماح عبد الفتاح، استشارية العلاقات الأسرية، على أهمية فهم التغيرات الطبيعية التي تحدث في العلاقات بعد الزواج، مشيرة إلى أن العديد من العرائس يواجهن مشاعر القلق بسبب تغير أسلوب التعامل معهن بعد فترة الخطوبة.
قالت استشارية العلاقات الأسرية، خلال حلقة برنامج "سكن"، المذاع على قناة الناس، اليوم الخميس: "كتير من العرايس بتيجي لي في المرحلة الأولانية بعد الجواز على طول، بيدّعوا إن جوزهم بطل يحبهم، بطل يقول لهم كلام حلو زي اللي كان بيقوله زمان، ولكن في هنا نقطتين مهمين لازم أوضحهم ليكوا."
واستكمل: "الحب زي الطفل الصغير اللي بيكبر وملامحه بتتغير من مرحلة للتانية، مش معناه إن الكلام الحلو قل شوية يبقى الحب قل أو اختفى.. لازم نفهم إن ده حب مكتمل، حب فيه تفاصيل مختلفة، وحب أكتر عمقًا من الكلام، وده حب ليكي تعب وزعله علشان أنتِ ترتاحي.. ده حب ليكي في كل حاجة، من حاجات بسيطة زي تعب الجوز على راحتك، إلى حاجات أكبر زي توفير مستلزمات البيت أو رعاية الأولاد."
وتابعت: "في فترة الخطوبة، كان الشريك يقتصر في تعبيراته عن الحب على لغتين فقط: الكلام والهدايا، ولكن بعد الزواج، تتوسع هذه اللغات لتشمل لمسات الود، وقضاء وقت ممتع معًا، بالإضافة إلى تقديم الخدمات اليومية والقيام بالمسؤوليات بكل حب واهتمام."
كما نوهت إلى أن الرجال، في بعض الأحيان، لا يدركون تأثير الكلام الحلو على النساء كما يفعلون في البداية، فقالت: "في رجال شوية كسلانين في التعبير بالكلام الحلو، وأنا هنا مش بدافع عنهم، لكن لازم أقول لهم: الستات بتتعامل مع الكلام زي الميه والهواء، ما فيش ست تقدر تعيش من غير كلمات حلوة، مهم جدًا إنها تسمع كلام طيب، وكلما قدّمت لها هذا الدعم بالكلمات، كانت أكثر ارتباطًا بك، وهو ما يؤدي إلى علاقة أعمق وأقوى."
تم أضافة تعليقك سوف يظهر بعد المراجعة