علق الفنان أحمد داود على نجاح فيلم الهوى سلطان أثناء حواره مع الإعلامية فاطمة مصطفى ببرنامج الراديو بيضحك على إذاعة 9090 قائلاً: "الفيلم عامل حالة حلوة أنا مبسوط بيها جداً، وفكرة نجاح الفيلم من عدمه فى الإيرادات دى حاجة محدش بيبقى عارفها".
استكمل: "إحنا دورنا إننا نشتغل بس، والباقى ده مش بتاعنا، ولا حد يعرفه لكن اللى بنبقى واثقين فيه هو إننا مع بذل مجهود كبير في أي عمل بالتأكيد ها ينجح، واتعلمت جملة من المخرج محمد خان كان دايما يقولى إيه اللى بعده، فيما معناه إنى ما اقفش عند نجاح عمل أو العكس حتى، المهم الخطوة اللى جاية".
ونجح أحمد داود على مدار العام في تقديم أعمال مميزة تتميز باختلاف محتواها وتنوعها من رعب لكوميدي لدراما، إذ قدم بطولة مسلسل زينهم إلى جانب فيلم يوم 13 وغيرها من الأعمال التي تتسم بالتنوع والاختلاف.
الحلقة أذيعت أمس خلال البرنامج الذى يذاع أسبوعياً، إذ استضاف مؤخراً عدد من النجوم مثل كريم عبد العزيز، ياسر جلال، فيفي عبده، احمد السقا، وغيرهم من النجوم.
تم أضافة تعليقك سوف يظهر بعد المراجعة