أعرب الرئيس عبدالفتاح السيسي، عن سعادته بحضور احتفالية قادرون باختلاف في نسختها الخامسة.
قال الرئيس السيسي: "سعيد بوجودكم ومتشرف قوي والله باليوم ده.. هو يوم بنعيش عليه السنة كلها.. ومش ببالغ فى الكلام ده.. وقلت أن احنا فى عالم الحقيقة فيه مش واضحة.. دى حكمة ربنا أن منبقاش شايفين كل حاجة.. لكن فيه يوم تاني هنشوف فيه كل حاجة.. واليوم ده طال أو قصر الزمان جاى، ويتبقى كل عمل طيب الناس ممكن تعمله لنفسها أو لغيرها.. وبنعتبر اليوم ده والاحتفال فرصه لينا لحاجتين.. الحاجة الأولانية ان احنا نشوف عظمة ربنا وقدرته في خلقه.. وكمان التمن اللى احنا المفروض نقدمه شكر وتقدير للى احنا فيه.. النقطة التانية يا ترى احنا هنعمل إيه فى اللى احنا بنتكلم عنه النهاردة وبنحتفل به؟.. هنزهق هنضايق وهنغض الطرف وملناش دعوة؟!.. ولا نتصدى؟!.. طيب حتى لو كانت ظروفنا مش قد كده لكن ممكن بالقلب".
وأضاف الرئيس السيسي خلال كلمته في احتفالية قادرون باختلاف في نسختها الخامسة: "احنا قلبنا يبقا على قلب بعض ونساعد بعض، ونقف على قد ما نقدر حتى لو بكلمة مع كل اللى احنا بنشوفه.. ونساهم بكل فعل وأمر وحتى موارد.. ويمكن أنا حاطتها في الكلام بتاعى.. لكن علشان كان فيه واحنا بنتفرج جت لقطات من احتفالات سابقة .. وكنا سامعين "اهالينا" خايفين ..وقلت ساعتها ازاى مخاليق ربنا اللى مبنشوفهاش تحت الأرض وكل حتة رزقها مكفول وحياتها مكفولة.. لأن احنا مش احنا اللى نقول ونقدر نعمل إيه؟ هو عامل ومخلص وعامل كل شيء بعظمته وقدرته.. فمحدش يتصور يضيع وهو موجود ..سبحانه وتعالي.. محدش يتحط جنب اسمه أبدا.
تابع الرئيس: "في دور علينا وإلا ربنا مش هيجازينا خير .. في دور علينا كمجتمع وحكومة ومسؤولين تجاه كل شيء.. دور للدولة وخلصنا موضوع قانون الصندوق".
وجه الرئيس حديث لرئيس الوزراء قائلا: "اسمحلي دولة رئيس الوزراء جتلك الفلوس؟ واتحولت خلاص؟.. ومازح محافظ البنك المركزي قائلا: "اول مرة اشوفك بتضحك؟.
