تتمتع الأحياء الشعبية المصرية بالعديد من التفاصيل المميزة من دفء وحب وأمان الذى يظهر في العديد من المشاهد اليومية من تعاون الجيران مع بعضهم البعض في السراء والضراء، وكأنهم عائلة واحدة جميع هذه التفاصيل الملفتة للأنظار والتي تعلم الآخرين أجمل دروس في الحياة جذبت نورهان طرابيه وأصدقائها هاجرعلي وفيروز الشربيني و دينا إبراهيم وهن طلاب بكلية الفنون الجميلة جامعة المنصورة، قسم ديكور شعبه الفنون التعبيريه، لعمل مشروع تخرجهن عن الحى الشعبى.
ولأن مجال دراسة نورهان وأصدقائها الطلاب بالمستوى الخامس يتعلق بتصميم الديكور والأزياء وكل واحدة منهن لها مشروع تخرجها الخاص لكنهن أجمعن على التعاون معاً في مشروع بجانب مشروع تخرجهن.
فكرت نورهان مع صديقاتها على تنفيذ ماكيت لحي مصري، وأختارت هي وصديقاتها الحي الشعبي، وتحدثت نورهان لـ" اليوم السابع"، عن سبب اختيارهن للحى وقالت :" اخترنا الحى الشعبى عشان نظهر شوية من الشوارع المصرية بثقافتها وهويتها الجميلة، والمشروع أظهر شوارع مصر القديمة و الحارة المصرية بتفاصيلها المعروفة وروح أهلها الطيبيين".
وعن المراجع التي استندت عليها نورهان وصديقاتها، قالت:" استندنا في مشروعنا لصور مباني من شوارع حقيقية في مصر القديمة عشان مليئة بالتفاصيل الأحياء الشعبية المعروفة، واستخدمنا الفوم الأبيض للمباني و المعجون و مكواه اللحام وخامات مختلفة زي الورق و القماش و خلة الأسنان و عيدان الشيش طاووق و الشاليموهات واستخدمنا طلاء بلاستيك".
تابعت :"المشروع معمول فعلاً بكل حب لأن أنا و الجروب اللي معايا أصحاب وكلنا مختلفين عن بعض بس عرفنا نوفق ده فى المشروع بحيث إننا نطلع شغل أحسن ".
وتحدثت نورهان عن الوقت الذى نفذ فيه المشروع والصعوبات التي واجهتها هي وصديقاتها، قالت :" المشروع أخد وقت كتير ومجهود أكتر ومن الصعوبات اللي واجهتنا الإمكانيات اللي كنا شغالين بيها و مكان الشغل مش مريح خالص ومع ذلك كنا وصلنا لشغل يرضينا رغم التعب و الصعوبات ".
وتابعت :" حرصنا على إننا ننور الماكيت بطريقة تبان إن الحى حقيقي وطبعا فكره حجم الماكيت وأن تفاصيله صغيرة جداً ده كان بياخد مجهود كبير مننا".
وختمت نورهان حديثها معبرة عن حلمها الذى تريد تحقيقه في المستقبل هي وصديقاتها، قالت :" إحنا من الناس اللي نفسها جداً تشتغل في مجالها ونصمم ماكيتات و نعمل شغل يدوي ومنا اللي نفسها تكون مصممة ديكور سينما أو مسرح ومنا اللى نفسها تكون مصممة أزياء مسرح أو سينما ".
![أحد المحلات أحد المحلات](https://img.youm7.com/ArticleImgs/2024/5/15/159937-أحد-المحلات.jpg)
أحد المحلات
![إضاءة الماكيت إضاءة الماكيت](https://img.youm7.com/ArticleImgs/2024/5/15/117092-إضاءة-الماكيت.jpg)
إضاءة الماكيت
![المنازل القديمة المنازل القديمة](https://img.youm7.com/ArticleImgs/2024/5/15/133814-المنازل-القديمة.jpg)
المنازل القديمة
![تصميم نورهان وأصدقائها بكلية الفنون الجميلة تصميم نورهان وأصدقائها بكلية الفنون الجميلة](https://img.youm7.com/ArticleImgs/2024/5/15/193159-تصميم-نورهان-وأصدقائها-بكلية-الفنون-الجميلة.jpg)
تصميم نورهان وأصدقائها بكلية الفنون الجميلة
![تفاصيل أخرى للماكيت تفاصيل أخرى للماكيت](https://img.youm7.com/ArticleImgs/2024/5/15/91683-تفاصيل-أخرى-للماكيت.jpg)
تفاصيل أخرى للماكيت
![تفاصيل أخرى لماكيت عن حى شعبى تفاصيل أخرى لماكيت عن حى شعبى](https://img.youm7.com/ArticleImgs/2024/5/15/225294-تفاصيل-أخرى-لماكيت-عن-حى-شعبى.jpg)
تفاصيل أخرى لماكيت عن حى شعبى
![تفاصيل الماكيت تفاصيل الماكيت](https://img.youm7.com/ArticleImgs/2024/5/15/150067-تفاصيل-الماكيت.jpg)
تفاصيل الماكيت
![زينة رمضان زينة رمضان](https://img.youm7.com/ArticleImgs/2024/5/15/199683-زينة-رمضان.jpg)
زينة رمضان
![صورة أخرى للماكيت صورة أخرى للماكيت](https://img.youm7.com/ArticleImgs/2024/5/15/193645-صورة-أخرى-للماكيت.jpg)
صورة أخرى للماكيت
![صورة أخرى صورة أخرى](https://img.youm7.com/ArticleImgs/2024/5/15/159315-صورة-أخرى.jpg)
صورة أخرى
![فاكهة فاكهة](https://img.youm7.com/ArticleImgs/2024/5/15/101096-فاكهة.jpg)
فاكهة
![ماكيت لحى شعبى ماكيت لحى شعبى](https://img.youm7.com/ArticleImgs/2024/5/15/104699-ماكيت-لحى-شعبى.jpg)
ماكيت لحى شعبى
![محل عطارة محل عطارة](https://img.youm7.com/ArticleImgs/2024/5/15/115636-محل-عطارة.jpg)
محل عطارة
تم أضافة تعليقك سوف يظهر بعد المراجعة