قالت نهى عابدين على هامش مهرجان العلمين: إن كل بيت وليه نظامه وابنى برييه بطريقة معينة ومانعة عنه السوشيال ميديا وأحيانا بيشوف أعمالى وهو بيبقى مبسوط بيا وبيحترم شغلى وبيحترمنى، أنا مش ممكن اعتزل دلوقتى خالص ، وكنت مضغوطة لما قولت هعتزل والناس قاعدة ماسكة لبعضها العصا وبتحلل في بعض وتتهم في بعض إنما كل واحد يركز في اللى بيعمله مفيش.
وأضافت خلال لقائها ببرنامج حد النجوم المذاع على القناة الأولى: رحت لدكتور نفسى مرة واحدة لأنى كنت مضغوطة نفسيا لفترة، وموضوع الصحة النفسية ده مهم جدا جدا بالنسبالى، وأنا بحب زمنى جدا ومش بهتم لزيادة وزنى وبحب نفسى بالشكل ده .
وتابعت: أي شغلانة وأى وسط فيه الحلو وفيه الوحش وانا واخدة الموضوع ببساطة ومركزة في نفسى ومع نفسى ، ووقتها كنت مضغوطة شوية بس مش بسبب الوسط، وموضوع العلاقات انا بشتغل ممثلة لو عاجبك تتعامل معايا كده أهلا وسهلا مش عاجبك خلاص شوف ناس تانية .
ويأتي مهرجان العلمين في إطار استراتيجية الشركة المتحدة للخدمات الإعلامية لإطلاق مبادرات وطنية بهدف تسليط الضوء على التنمية العمرانية التي شهدتها منطقة الساحل الشمالي الغربي بأكملها وعلى رأسها مدينة العلمين الجديدة، والترويج للسياحة في المدينة وما تتميز به من شواطئ ساحرة ومناخ معتدل معظم أيام السنة، وكذلك الترويج للفرص الاستثمارية بمنطقة الساحل الشمالي الغربي، والتأكيد على دور القوى الناعمة في دعم جهود الدولة للتنمية وتطوير الوجهات السياحية المختلفة.
وحرصت الشركة المتحدة، على أن تضم أجندة الدورة الثانية من مهرجان العلمين الجديدة، عروضا فنية وثقافية ورياضية وترفيهية متنوعة تناسب مختلف اهتمامات الزوار، وتستقطب سياح من مختلف الجنسيات، ويشهد مهرجان العلمين أكثر من 20 فعالية متنوعة، ما بين عروض مسرحية فنية من إنتاج أشهر المنتجين وببطولة ألمع النجوم الكبار والفنانين الشباب، ومباريات لأساطير ونجوم كرة القدم والسلة والطائرة والبادل تنس، وكذلك مسابقة insomnia للألعاب الرقمية، كما يشهد المهرجان تنظيم فعالية Bites by the sea، وهو حدث ضخم لأفضل الطهاة في مصر بما يسهم في دعم سياحة الطعام لأول مرة في الساحل.
