دشن رواد موقع التدوينات الصغيرة "تويتر" هاشتاج "مصر هتتقدم لما"، احتل صدارة قائمة الأكثر تداولا على تويتر "ترند" متجاوزا 12 ألف تغريدة.
وتنوعت آراء وتغريدات المشاركين من خلال الهاشتاج، حيث قال حسام:"الناس تبطل تتفرج على التليفزيون وتعتمد القراة كبديل للمعرفة والثقافة"، بينما كتبت سلمى: "مصر هتتقدم لما كل واحد يركز فى شغله مش حياة غيره، لما كل واحد يكون هو التغيير اللى عاوز يشوفه فى العالم".
وأبدت "هاجر عرفة" رأيها، قائلة:"نشتغل.. منتكلمش على حد ونخلينا فى نفسنا، نعطف على الفقراء، نبنى ونعمر"، وأوضح رام:"كل واحد يغير من نفسه وميستناش اللى حواليه هما بس اللى يتغيروا"، وكتب على: "مصر هتتقدم لما الناس تبطل مبدأ الأونطة والفهلوة مع بعض، لما يتغير مفهوم إنك لما تنصب أو ترتشى أو تسرق إنك كده ناصح وشاطر".
وأشار أحمد عيد، إلى أن"مصر هتتقدم لما الدين يبقى مادة أساسية فى المدارس"، وأوضح مصطفى:"لما الطبقة العليا تحس بالفقراء ولما أنت تحس بغيرك.. مصر هاتتقدم فى حالة أن يكون العدل شىء أساسى"، وكتب مصطفى محمود: "نسمع بعض ونحترم آراء بعض ونبطل نفرض كلامنا على بعض، نحاول نستفيد من بعض خصوصا إننا عندنا الخبرات والإمكانيات اللى نقدر نستغلها".
عدد الردود 0
بواسطة:
المصرى الحزين
مصر تتقدم لو فى ارده سياسيه قادره
مصر تتقدم لو وجدت القياده السياسيه الشجاعه والقادره على اتخاذ قرارات جريئه واعتبار ان القوى البشريه مصدر من مصادر القوه ومعرفة كيفية توجيهها لدفع الاقتصاد المصرى والبعد عن الشيبس ومصانع مالهاش لزمه
عدد الردود 0
بواسطة:
ممكن
مفيش مشكلة
عندما يتقبل من بيدهم مقاليد الحكم النقد البناء والتشاور والاعتماد على اهل الخبرة والعلم ونبطل نفاق ومسح جوخ واعتبار الرئيس هو مصر وجيش مصر من الاخر نعتبره اله ونعبده من دون الله
عدد الردود 0
بواسطة:
عبد الله المصري أدم
لما يتم
تطهير كل مؤسسات الدوله المصريه من كل ذي سلطه يبيع نفسه وضميره وصلاحياته وسلطاته لأي لص أو فاسد ليحميه أو يحمي جرائمه أو ليُمَكِّنه من تنفيذ جرائمه وفساده.
عدد الردود 0
بواسطة:
حسن صبحى حموده
لما يبقى شعبنا عندة ضمير!!!
الشعب المصرى لاينقصه الذكاء ولكنى رأيت شعوبا كثيرة أقل ذكاءا ولكنها تقدمت وفاقتنا بمراحل لأن لديهم ضمير حى ونحن فى مصر نفتقد لمثل ذلك الضمير الذى يجعلنا نؤدى بأتقان حتى دون أن يراقبنا أحد الا الله سبحانه وتعالى.
عدد الردود 0
بواسطة:
عبد المنعم الرفاعي السوداني
مصر التي في خاطري
ماحدث ويحدث في سوريا وليبيا واليمن والعراق دوروس وعبر مجانيه للمحافظه علي الاوطان هنالك ازمات اقتصاديه وغلاء وبالمقابل هنالك ايضا امن وامان وهو المهم والاهم في عصرنا هذا وبمشاهده ما تمر به بعض الدول من حولنا يجعلنا من الحامدين الشاكرين الازمات الاقتصاديه ازمه وقتيه وبتعدي ولكن ضياع الاوطان كارثه ستبقي مدي الازمان وتعاني منها اجيال واجيال وليس بالثورات بناء الاوطان خاصه في الظروف المحيطه بمصر ولا اتحدث عن مصر والسودان احسن حال منها ولكننا نحن في مركب واحد من حيث الواقع الامني امن مصر من السودان والعكس وما يؤثر علي مصر بالطبع يشمل السودان ومصداقا لحديثي ما حصل في تونس امتدت شرارته لليمن وسوريا والعراق بربيع عربي كان وبال علي الامه لذا اوصيكم بالمحافظه علي الاوطان والابتعاد عن تفتيتها بسبب ضائقه معيشيه او ارتفاع في سعر دولار او زياده في سعر وجبه او كهرباء كلها ازمات وبتعدي ويبقي الوطن شامخ باهله وتبقي مصر رائده وقائده لامتها شعب مصر عرف عنه الوطنيه وحبه لتراب وارض مصر هكذا حدثنا التاريخ وهكذا حكت لنا الافلام والمسلسلات عندما يطلب من حد انه مصر عايزاك وعاوزاك ومحتاجك عندها تبقي مصر هي الام وطلباتها اوامر حفظ الله مصر واهلها من شر كل الفتن وما ظهر منها وما بطن ودمتي عزيزه يااخت بلادي
عدد الردود 0
بواسطة:
M W
الفاشل يعلق فشله علي الغير
نعلق فشلنا علي الحكومة ونقول ما فيش إرادة سياسية وغيره وعدونا هو أنفسنا لا نجيد اي عمل الا نقد الغير والتلذذ بالنقدواعتقد انه اصبح مرض مزمن والدليل التعليقات رقم 1 و 2 و3
عدد الردود 0
بواسطة:
مغترب
لما نصحى بدرى
مصر حتبقى احلى لو بدانا شغلنا من الساعه 6 صباحا الى 5 مساء او 4 مساء وكفايه اجازات عارضه ومرضى وولاده وزفت وتاخير الخ .....ماينفعش 10 صباحا اوقع وازوغ 10.30 حراااااام . لازم نشتغل بدرى زى باقى البلاد المتقدمه .
عدد الردود 0
بواسطة:
mohamed ali
مصر حتتقدم ... لما !!!
مصر حتتقدم لما كل مسئول فى منصبة يكون امين ويبطل سرقة ..... لما تختفى الرشاوى من البلد تماما ويتم معاقة المرتشى وكمان الراشى , لما برامج التوك شو تبطل الحديث فى الهيافة مثل ختان الإناث العرض المستمر وكذالك التحرش وبقلوهم ياريت تغيروا الاسطوانات دى اللى الناس ملت منها . وشكرا" وانشر من فضلك .
عدد الردود 0
بواسطة:
فيه مشكلة
ردعلى تعليق رقم 6
ماهى دى المشكلة رفض النقد والتشاور انت رافض اى انتقاد علينا ناخذ اوامر ونفذها بدون اعتراض او تفكير والنتائج واضحة منذ 1967 عدم اخذ الراى وانفراد شخص بالقرار وجعله اله لا احد يفعهم ولا يعرف سوى انتم ينفع طبيب جراح يشتغل طبيب بطرى او مهندس يشتغل محاسب ينفع لواء جيش يكون مدير مدرسة هى كده مفيش غيركم اللى بيفهم والى يعرف يدير والحقيقة مفيش مؤسسة مسكتوها الا وفيها فساد وحتى التعليق والنقد رافضينه البرلمان اتعمل علشان ينتقد وصحح مسار لكن انتم رافضين اى نقد او تصحيح مسار كويس انك رديت بجد علشان نعرف ليه مصر اصبحت فى زيل الامم