طول حياتى مش ناسيه
على بالى فاكره حتة حتة
يوم نجاة الشعب فيه
يوم تلاتين من شهر ستة
يوم ثقتنا فى جيشنا زادت
مع أنها فى يوم ما هانت
للكل يومها شجاعته بانت
مصرى قال وعقديتى ثابتة
المشير كان صقر جاسر
كلامه واضح كان أوامر
مهمهوش إخوان أميركا
قال عشان الشعب اخاطر
احنا منكم احنا بيكم
فى الصعب روحنا تفتديكم
شعب مصر خط أحمر
جيش وشرطة بين إيديكم
السيسى قالها للجميع
مصر سد كبير منيع
ناكلها حاف أو نصوم
مؤمنين مش راح نضيع
يد واحده الكل كان
ع اللى باعنا واللى خان
واللى رخًص فى القضية
مزبلة التاريخ له مكان
ولأن وعد المولى حق
والحق صاحبه بيه أحق
جيش وشعب وشرطة واحد
مصر نورها زاد وشقشق
تم أضافة تعليقك سوف يظهر بعد المراجعة