فى قرية كفر الجمال وما حولها من قرى تابعة لمركز طوخ محافظة القليوبية بنات يحلمن بالزواج من مصرى بلده أطاليا، كما يقولون، واحد من الشباب الذين يسافرون عبر البحر إلى إيطاليا ومن ينج منهم يعمل ويكافح وخلال 5 سنوات تكون الأمور كلها «متظبطة». «مروة» فتاة تخرجت فى كلية الخدمة الاجتماعية تحلم أن تتزوج واحدا منهم. «وفيها إيه يعنى هو أنا أقل من «نحمده» المحامية بنت أبوسريع دى اتجوزت شاب من اللى سافروا أطاليا ويا دوب سافر وكان معاه الإعدادية ورضيت بيه، عملت إيه الشهادة يعنى؟ وسافرت كمان معاه وجاب لها حسن الأسمر يغنى فى الفرح.. أما الشبكة بـ 30 ألف وبـ 50 ألف عارفة هناك فى إيطاليا بيشتغلوا إيه؟ سألت وأجابت مروة «ولا مؤاخذة بيحموا الحصنة ويشيلوا من تحتها» سايس يعنى «أو يغسلوا الأطباق فى المطاعم وبيقبض الواحد منهم بالساعة.. وبيطلع له فى اليوم حوالى 100 يورو يعنى 800 جنيه مصرى فى اليوم مش فى الشهر.
تم أضافة تعليقك سوف يظهر بعد المراجعة