مصلحة الأحوال الشخصية
قولتله أمسك يا عم بطاقتى
حطلى أى جنسية تانية
أنا استحملت معاكم فوق طاقتى
اكتب صينى أو حتى من موريتانيا
قالى بص طيب
الصبر طيب
استنى ويمكن تلاقى شغل
قولتله مش هاينفع من غير كوسة
قالى طب يمكن بعد كام سنة
بلدنا ترجع حلوة
قولتله لأ.. هاتفضل موكوسة
قالى طب اللى بينك وبينها؟ هاتنساه؟
قولتله وحانسى العادات والتقاليد الموروثة
قالى طب روح بيتك وفكر تانى
قولتله ما راح البيت وراحت العيلة وراحت العروسة
قالى ياعنى مش حاترضى بانصاف الأمور؟
طيب.. غور
بلدنا يعنى مش واقفة عليك
شوف بلد تانية تؤيك
اختار جنسية
غير المصرية
قعدت أفكر أفكر
جبت أخرى
نزلت دموع من عينى بحور
ورضيت بأنصاف الأمور
وساعتها رحت مقرر
أعيش وأموت مصرى
وقولتلها يا مصر حقك عليا
أنا بس زعلت منك شوية
وكتبت فى بطاقتى مصرى.. ثم مصرى.. ثم مصرى
تم أضافة تعليقك سوف يظهر بعد المراجعة