رمضان بالخير هلّ وجانا
والدنيا سعيدة وفرحانة
شهر الخيرات شهر البركات
فرحتنا بيه مش سايعانا
رمضان بالخير هلّ وجانا
*******
الصوم عبادة تزكّينا
والتقوى بفضله بتبنينا
وبذكر الله ياعباد الله
سبحانه اللى بوحيه هدانا
رمضان بالخير هلّ وجانا
*******
ونصلّى العشا بعدها تراويح
قرآن وعمل وكمان تسابيح
ونقرّب م الجنة بروحنا
ونلاقى المولى ويّانا
رمضان بالخير هلّ وجانا
*******
وفى ليلة القدر بيهدينا
بركات وسلام عفو علينا
وبفضل العشر- وخير الدهر
كبروا للمولى سبحانا
رمضان بالخير هلّ وجانا
![د.صبرى إسماعيل يكتب: رمضان بالخير جانا د.صبرى إسماعيل يكتب: رمضان بالخير جانا](https://img.youm7.com/large/s1020138223122.jpg)
مشاركة
اضف تعليقاً واقرأ تعليقات القراء
مشاركة