كنا بنحلم شايفين بعض
شايفك تضحك تطرح ورد
وانتِ شايفانى ف ضحك عنيا
وأمد ايديا وألمس خد
كنا بنحلم شايفين بعض
قبل ما أشوفك وانت تشوفنى
جابك شوقك يجرى لعندى
تضحك تصرخ قلبك خدنى
شد الروح من جوا ضلوعى
وشدنى شد
كنا بنحلم شايفين بعض
روح وجريئة
راحت تسمع دقات قلب
وصحيت أجرى الحلم حقيقة
لقيت فى عينها عشقها أكبر
مالوش حد
كنا بنحلم شايفين بعض
نصر الدين محمود سالم يكتب: كنا بنحلم شايفين بعض
الثلاثاء، 15 سبتمبر 2015 12:00 ص
زوجين أرشيفية
