إنجى وجدان ترد على منتقدى زيادة وزنها بعد الولادة: "ولا يفرق معايا"

وجهت الفنانة إنجى وجدان رسالة لكل منتقديها، الذين سخروا من شكل جسمها بعد ولادتها.

ونشرت صورة لها بعد الولادة وجسمها ممتلئ على صفحتها الرسمية على موقع التواصل الاجتماعى فيس بوك وعلقت عليها قائلا: "الصورة دى (مع إنها مش أحسن صورة ليا الفترة دى) إهداء لكل واحد أو واحدة بيتريقوا على جسمى، ده شكلى اليومين دول بعد ما خلفت، اللذيذ بقى فى الموضوع أن أنا مش فارق معايا الناس اللى عماله تعلق".

وأضافت، "أنا واحدة حملت وخلفت وتخنت فى الحمل جامد عادى إيه المشكلة؟ وبعدين أنا حرة وحابة نفسى فى أى شكل، أنا ممكن يفرق معايا الناس اللى تعلق على شخصيتى، لكن وزنى لأ ولا يفرق معايا، وبعدين هو كل واحدة جسمها مش موديل تبقى وحشة؟ إيه السخافة ديه".

وتابعت، "دى رسالة لكل بنت، أنت جميلة زى ما أنت كده واللى مش عاجبه يتفلق، استمتعى بحياتك الواحدة بتعيش مرة واحدة بس ".

موضوعات متعلقة..

- المصرى VS اللبنانى.. حمل إنجى وجدان فى مواجهة مريام فارس على "إنستجرام"

- 12 صورة من كواليس فيلم "مليكة" لـ إنجى وجدان وسامية أسعد