حسام غالى لـ"الجهاز الفنى للمنتخب": أتمنى لكم التوفيق

وجه حسام غالى، قائد النادى الأهلى، كلمته للجهاز الفنى للمنتخب الوطنى بقيادة الأرجنتينى هيكتور كوبر، قائلاً :"أتمنى لهم التوفيق، وأنا من ناحيتى ما فيش حاجة، وأنا كنت بوضح الأمور علشان يتم علاجها وحسمها، لكن اللي حصل ده ماينفعش وغير لائق، والكرة عمرها ما تقف على حد، وهنشوف الدنيا الفترة اللى جاية".

وأضاف غالى، خلال تصريحاته لبرنامج "الكرة مع الحياة" مع الإعلامى سيف زاهر، أنه لم يعترض على الجلوس على مقاعد البدلاء طوال تاريخه، وأن أزمته مع الجهاز الفنى للمنتخب جاءت بعد أن تحدث باسم لاعبى فريقه، قائلاً: "أنا مش بعمل مشاكل مع حد، وبعمل اللى على فى الملعب، وأنا بحب الكورة وبسعى لرفع مكانة فريقى، وأنا حماسى ومش بحب أخسر، وعمرى ما عملت مشكلة علشان جلوسى على مقاعد البدلاء، وفى أدلة كتير على كده، لأن عمرى ما رحت مكان ولعبت أساسى علطول".

وأعرب غالى عن سعادته البالغة بحب الجماهير له، موضحاً: "حب الناس ده أحلى حاجة فى الدنيا وحياة ربنا، وكنت مبسوط جداً بالجمهور المصرى وهو بيغنى النشيد الوطنى فى استاد هزاع بن زايد، ودى كانت من أحلى اللحظات اللى فى المباراة".

موضوعات متعلقة..

سيد عبد الحفيظ: لا دخل للأهلى باختيارات المنتخب