منذ أن فتحت "غادة" عينيها على الحياة، وهى تعانى من تشوهات فى العمود الفقرى وتشوهات نادرة جدًا فى الجلد، حيث خضعت لـ3 عمليات جراحية ولكن بأت جميع المحاولات بالفشل لأن علاجها لا يوجد إلا فى الخارج.
وأرسلت صاحبة الـ18 عامًا إلى خدمة "صحافة المواطن" تحكى عن معاناتها لتطالب بحقها فى العلاج بالخارج، وتعيش كمثلها من الفتيات وتحقق حلمها فى أن تكون مصورة محترفة.. وتلهم الآخرين بقصتها فى تحدى الإحباط والمرض.
غادة
فى البداية تقول "غادة": "عندى 18 سنة ونصف مولودة بتشوهات فى العمود الفقرى وعملت 3 عمليات وفشلت، بسبب أنى كنت فأر تجارب للدكاترة ومريضة بتشوهات نادرة جدًا فى الجلد ومليش علاج غير برة مصر، وصل بيا الحال إنى أصحى من النوم ألقى هدومى مليانة دم.. وحاولت مع برامج الخير المشهورة جدًا وما لقتش مساعدة للأسف، وماحدش بيرد أصلاً، بس لازم صوتى يوصل لأى حد يقدر يساعدنى".
بصبر وعزيمة تابعت غادة : "بنت معاقة بس الحمد لله أقوى من أى حد سليم، وعارفة أن دى حكمة واختبار من عند ربنا، حبيسة البيت دايمًا لكن إحلامى وطموحى أحرار، حلم حياتى هو إنى أكون مصورة نادى الأهلى وهيحصل أكيد إن شاء الله لأنى بدعى كتير أوى ربنا بجد".
صورة من حالتها الصحية
الدعاء.. أول ما طلبته "غادة" من الجميع، قائلة: "محتاجة لكم معايًا دايمًا وادعوا لى كتير بالله عليكم بالعلاج، وأنى أكون مصورة محترفة جدًا، أنا مش بطلب حاجة كبيرة أنا بطلب أنى صوتى يوصل وأسافر أتعالج بجد.. أمنية حياتى أنى أكون بطلة قصة كان الكل بيقول عليها مستحيل.. وأكون البطلة اللى أتحدت الإحباط ويجى اليوم اللى ألقى نفسى أقدر أتحرك وأحقق طموحى وأكون مصورة محترفة.. كل اللى عايزة أوضحه إنى مش حزينة ولا محبطة ولا ضعيفة، أنا بس واثقة فى قدرة ربنا فى تحقيق المعجزات".
الحالة الصحية
استغاثة القارئة
عدد الردود 0
بواسطة:
محمد
اسائل لها الشفاء
اتمنى لكى الشفاء العاجل اسائل اللة ان يحفظك