بأمارة إيه قلبك حنون
بأمارة إيه
مليان سكوت جواك ظنون
قلبى أنت سكنت فيه
صدقت حبك لما كنت
تخاف عليه
دوبت فيك شافت عنيك
الحب كانلك أد إيه
بأمارة إيه بتقول شارينى
كان زمان حسيت بحبك
كان زمان أبعد تجينى
كان زمان بيدق قلبك
كان زمان الحب يضحك ع الخدود
كان زمان الحب بيعدى الحدود
من غير مناقشة أو ردود
تفرح بحبى كل ثانية
عمرك ما كنت ف يوم ناسيه
كنت عارف لما القلب يتعب
كنت عارف إيه دواه
دلوقتى جاى تضحك
وأنت شايف شوق
بيدبل
مجاش فى يوم قلبك رواه
بأمارة إيه دلوقتى
جاى تقول أنت الحياة
بأمارة إيه
وأنت عشت فى دنيا تانية
وسبت قلبك يضحك من عذاب البعد عنى
كنت عايش جوا منى غصب عنى جوا منى
كنت جوا العين كنت روح دايما تشوفنى
أنت ضعت ف الألم وصنعت من حبك عدم
بس أنت روحت تتغر وتعيش
جوا نار تحرق قلوب
تحرق سطور كل الكتاب
وتقول سامحنى خلاص هتوب
إحساس مميت من العذاب
قفلت كل شعاع لنور
تعرف بفكر امتى فيك؟؟
لما أشوف الأرض بور
مش مصدق تبقى ورد خضار زهور
مش عارف أنا بالنسبة ليك أنا أبقى إيه
