أيوه أنا مصرى
ومش هتعب وأعانى
وهحفظ كرامتى
ومش هكون أنانى
وهفدى بلدى بدمى
من كل خاين عدوانى
مصر رمز الحضارة
واسألوا عنها زمانى
اسمها عايش جوايا
وساكن روحى ووجدانى
ونشيدها ديماً بيضوى
فى كل الأغانى
بحبك يا مصر
يا عشقى وكيانى
وعشان أنا مصرى
تمللى حافظ مكانى
دايماً ابدأ يومى
بعزيمة وأمانى
وكلمة تحيا مصر
بترن فى ودانى
وشعارها يرفرف
فوق كل المبانى
كفاية إن بلدى
بتتحمل علشانى
لو اتغربت ثانية
ألاقى حنينها نادانى
أرجع أبوس ترابها
وأقولها وحشانى
هرسم بلدى عروسة
وهزينها بألوانى
هكتب لها أغلى غنوة
تتراقص فيها ألحانى
وعشان أنا مصرى
مش راح أتعب تانى
عايش حياتى فخور
ومفيش شىء رزانى
ولو أصابنى الظمأ
كتير نيلها روانى
أفتخر إنى مصرى
ولو الجميع هجانى
هقولها أيوه أنا مصرى
بجميع اللغات والمعانى
وتحية لكل مصرى حر
وتقديرى وامتنانى
تم أضافة تعليقك سوف يظهر بعد المراجعة