أكد حسام حسن المدير الفنى للمصرى، إنه سيرحل عن قيادة الفريق فى حالة وحيدة هي عدم تواجد المساندة قائلاً:"طول ما فى مساندة مش هضحك على جمهور وهستمر عشان أحقق طموحاتهم لكن لازم يبقى فى توفر دائمًا إننا كل سنة نجيب لاعبين عشان منضحكش على الجمهور.. وأنا بتعب وبشتغل كل يوم وفى مدربين مش بيشتغلوا كل يوم بيحفظوا ويضغطوا.. عشان كده بقول لازم يبقى فى مساندة لطموحاتى وطموحات الجمهور عشان لو المساندة دى متوفرتش همشى".
أضاف حسام حسن فى تصريحات تليفزيونية لقناة on sport مع الإعلامى مدحت شلبى، أنه سعيد بالتواجد فى المصرى قائلاً:"لازم يتعملنا تمثال إننا بنلعب خارج ملعبنا 34 مباراة فى الدورى"، موضحاً أن الراحل محمود الجوهرى أعظم من أنجبت الكرة المصرية فى التدريب لكنه قال:"لست من مدرسة الجوهرى فى التدريب ليا فلسفة خاصة وطريقة خاصة واشتغلت بيها من 2009 مع الزمالك لكن سيظل الجوهرى مثل أعلى لي ولا يقارن".
