تركت خلفها حسابات الأيام والسنين وكرست كل مجهودها من أجل تحقيق ما تريد، السيدة الاسترالية كارولين هارتز صاحبة السبعين عاماً التى حافظت على جمالها وحيوتها رغم كبر سنها.
فوفقاً لموقع برايت سايد امتنعت كارولين عن تناول أى أطعمة بها سكريات منذ أكثر من ثلاثين عاماً، فبعد إصابتها بمرض السكرى امتنعت عن تناول السكريات تماماً وبالإرادة وممارسة الرياضة تغلبت على مرض السكرى وشفيت منه تماماً.
فتقول الجدة كارولين أنها لا تنتبه لحسابات العمر وترى أنها وحدها القادرة على تحديد ملامح عمرها، فبرغم أنها جدة لأربعة أحفاد إلا أنها مازالت تحتفظ بجمالها و حيوتها .
كارولين فى مطبخها
فلم تنظر كارولين للسن واحترفت رياضة التنس منذ عامين بجانب أنها لديها شركتها الخاصة، وعن حفاظها على جمالها رغم وصولها لهذا السن تقول كارولين أنها تنام 8 ساعات يومياً وتواظب على ممارسة الرياضة والخروج للتأمل فى الطبيعة ،كما أنها اعتادت منذ أكثر من 40 عاماً على المشى لمدة 3 ساعات يومياً.
كارولين تلعب التنس
كما ترى كارولين أن سر حفاظها على حيويتها إيمانها دائماً أنه عندما تغلق الحياة باباً فى وجهك فإن أبواباً أخرى كثيرة تتفتح لك . فتعتبر أن مقولتها المفضلة فى الحياة أنه على كل شخص أن ينظر للجزء الممتلىء من الكوب ومهما قابل من عقبات عليه أن ينهض من جديد ويحاول الاستمرار وتحقيق ما يريد.
كارولين مع حفيدتها
عدد الردود 0
بواسطة:
khaled soudi
تتجوزيني يا أبله كارولين ؟
العقل السليم في الجسم السليم والعكس . والعكس .
عدد الردود 0
بواسطة:
احمد
مش معقول نهائى
ههههههههه انتى اجمل بكتير من مصريات عندهم لسه 20 سنه!!
عدد الردود 0
بواسطة:
ايهاب..الشبح
المصريات
الست المصرية الجميلة . ما كانتش تضرب حلة المحشي و تحلي بصينية البسبوسة تحس ان في حاجة ناقصة .و لما تسالها تقولك ..دي مسح زور . ارحمنا يا ارحم الراحمين
عدد الردود 0
بواسطة:
الدكش
المصرية ماركة مسجلة __________________ خطررر
المصرية ماركة مسجلة __________________ خطررر
عدد الردود 0
بواسطة:
ساميه حسنى
الصحة والمظهر رزق من عند الله
ولدينا هنا فى مصر نساء مظهرن مثل هذه السيدة واحسن .
عدد الردود 0
بواسطة:
بنت مصرية
الى الأخوة الأعزاء رجال مصرنا الحبيبة !!
طبعا السكر والملح والدقيق الأبيض سموم بيضا , بالأضافة للسمن واللحوم السمينة , الكل بيسمع الكلام ده لكن محدش مصدقه , والنتيجة ان بقى عندنا شباب فى العشرينات مرضى ضغط وسكر , وشباب فى التلاتينات مرضى تصلب شرايين , مع اوائل الأربعينات تبتدى الأزمات القلبية وجلطات المخ والقلب وتركيب الدعامات والحياة بموسعات الشرايين ومسيلات الدم !! لكن انا ملاحظة ان كل الرجالة داخلين يعيبوا على الست المصرية وكأن هى السبب لوحدها فى المشكلة , كمان كأن الست بس هى اللى مفروض تاخد بالها من أكلها وتحافظ على صحتها والراجل لأ !! بصوا يا خوالنا , الست والراجل فى مصر قبل الزواج بيبقوا ما شاء الله راقى باليه !! بعد الزواج بسنتين , تلاقى الست بقت شجرة جميز والراجل ما شاء الله الكرش الجميل مدلدل قدامه متر !! والعيب فى الحالتين بيترمى على الست !! طيب كل واحد فى حضراتكم يسأل نفسه كده بصراحة بينه وبين نفسه , لو هو كل يوم يرجع البيت يلاقى مراته طبخاله خضار مسلوق ولحمة مسلوقة او فراخ مسلوقة وسلطة خضرا , وحطاله فى الأطباق معقتين تلاتة خضار مسلوق وحتة لحمة متوسطة مسلوقة او ربع فرخة مسلوق , وطبق سلطة , وبعد ما خلص أكل قالتله الحلو تفاح أو فراولة أو كنتالوب , والملح فى الأكل قليل ومفيش سكر ولا حلويات ولا مياه غازية ولا عصاير معلبة تخش البيت ولو احجنا مادة دهنية فى الأكل تبقى زيت ذرة وبكمية قليلة ومفيش سمن نهائى ولا لحوم سمينة , ومفيش محاشى ولا اكل مسبك !! هيرضى بالكلام ده !! وللا هيقولها ايه اكل العيانين ده !! احنا فى بيت وللا مستشفى !! دا اكل يسد النفس !! طيب بلاش دى , لو الست اللى متجوزها دى قررت انها تنزل مع افراد الأسرة كل يوم يتمشوا لمدة ساعة بالخطوة الرياضية او جابت تريد ميل تتمشوا عليها فى البيت لو مفيش مجال تخرجوا تتمشوا , افراد الأسرة دول هيعجبهم الكلام ده ويفرحوا بيه , وللا هيعتبروه عقاب ويقولولها ايه هو ده !! هو احنا فى معسكر جيش !! متعمليلنا فرقة صاعقة بالمرة !! اقولكم انا , الواقع انه غاالبا بنسبة 95 % لا حد هيعجبه الأكل الصحى ولا ممارسة الرياضة !! وممكن اصرار الست على الكلام ده يوصل لخلافات زوجية مستمرة ومش بعيد توصل للطلاق !! يبقى اذن لازم نعترف ان الغلط مش غلط الست لوحدها , الزوج كمان مسئول مسئولية كبيرة عن النظام الصحى للأسرة , يا جماعة دا بعض الرجالة لما زوجاتهم بيعملوا ريجيم بيفضلوا رايحين جايين يتريقوا عليهم ويحسسوهم انهم اتجننوا !! ما بالكم بقى لو الست هى اللى طلبت من الزوج يعمل ريجيم !! يا جماعة قبل ما تقارنوا المرأة المصرية بالأوروبية , قارنوا الثقافة المصرية بالأوروبية , دا احنا بالشعب العربى صاحب مقولة الطريق الى قلب الرجل معدته !! والبنت اذا قل وزنها عن 70 كيلو متنفعش للجواز ولا لتحمل مسئولية أسرة , تبقى معصعصة ومعضمة ولو حصل وخلفت هتجيب عيال ممقوتة شبه الفيران !!لو عاوزين الست المصرية تتغير لازم كمان الراجل المصرى يتغير , وده لمصلحته والله , قبل ما يكون مظهر حلو وشباب مستمر , صحة كويسة كمان وقدرة على العمل والعبادة وممارسة الحياة بكل تفاصيلها , لما الواحد يروح بأبنه اللى عمره اتناشر سنة للطبيب فيعمله تحاليل يلاقى عنده كوليسترول ودهون ثلاثية عالية , لازم يفهم ان فيه حاجة غلط !!