أصبحت مواقع مواقع التواصل الإجتماعى تشكل نوع من الخطورة على الرغم من ضرورة استخدامها، وقصة "مونيكا صدقى" تلك الفتاة التى تدرس فى كلية الصيدلة وتعيش فى إحدى محافظات الصعيد مثال حى على ذلك، التى دمر حياتها جروب سرى يدعى "كيف تشقطين ذكرا"، بعد استغلال أحد الأشخاص لصورها للتشهير بها.
وبعد انتشار قصتها وقيامها بنشر فيديو لتوضيح موقفها، قادت بنات مصر حملة دعم كبيرة عبر حساباتهم بموقع التواصل الاجتماعى "فيس بوك"، لاستردادها جزء من حقها.
بنات مصر يدعمون مونيكا
فقالت أحد الفتيات :"ياجماعه البنت دى اتظلمت بسبب جروب اسمه كيف تشقطين رجل😡😡 #شييييير متوقفش علشان الظلم يترفع والدنيا كلها تعرف أن البنت دى مظلومه منشن لكل اصحابك"، وقالت أخرى :"كل بنت ممكن تكون مونيكا صدقى لو محدش جاب لها حقها..لو سمحت للكلاب ينهشوا عضمها ..وداه لو نزلت صورها ولبسها..وبعدين حضرتم دى حريتها لوحدها وكل حاجه لشخصها".
كما كتبت أخرى :"مونيكا ذنبها ايه حتى ولو ده لبسها..خاليكم فى اللى فيه ..وكفايه تقطيع فيها ..وكله سلف ودين...زى ما انت قلت كلمه عليها متسعجلش مهما طال الزمان هييجى الدور على اختك او مراتك او بناتك..متعرفش نصيبك هيصيب مين فيهم".
كلام فتاة اخرى
كما كتب كريم هشام أحد المدونين المشهورين وهو صديق مونيكا :"موضوع الصورة انتشر لحد ما وصل لأهل (مونيكا) فى الصعيد وبره مصر كمان، سمعة بنت اتدمرت بسبب جروب أهبل وشخص مختل، وأهلها اللى نزل من الإمارات واللى نزل من الصعيد عشان يشوفوا بيجرا إيه".
وكان تداول نشطاء مواقع التواصل الاجتماعى، فيديو لفتاة تسمى مونيكا صدقى فى حالة حزن شديد وتزرف الدموع بشدة، بسبب "جروب" "كيف تشقطين ذكرًا"، مؤكدة أن الجروب دمر حياتها.
الحكاية، حسبما تسردها مونيكا، أنها طالبة بكلية صيدلة فى القاهرة، بدأت أزمتها عندما استخدم أحد الأشخاص صورها على صفحتها الشخصية بموقع التواصل الاجتماعى "إنستجرام" وقام بعمل حساب على "فيس بوك" باسم سلمى حجازى، وقام بالاشتراك فى جروب "كيف تشقطين ذكرًا".
وتستطرد مونيكا قائلة: أن الحساب المزيف وضع صورها بالجروب، وكتب إنها فتاة ترتدى فستانا قصيرا وكلمات مخجلة أخرى بأنها تستطيع أن تجلب الرجال، ما دفع مونيكا إلى تصوير فيديو لها تؤكد فيه أنها ليست صاحبة الحساب، وأن الحساب المزيف المتداول عبر صفحات مواقع التواصل الاجتماعى دمر حياتها.
عدد الردود 0
بواسطة:
العمدة
العولمة سلاح ذو حدّين
هو ده الحدّ التاني من سلاح التكنولوجيا و مواقع التواصُل . الحذر واجب للكُل
عدد الردود 0
بواسطة:
احمد
السوشيال ميديا عباره عن غابه
الفيس بوك وتويتر وكل برامج التواصل الاجتماعي عامله زي الغابه يااما تفضل صاحي وتستمتع براحتك بالمناظر الطبيعيه اللي في الغابه يااما تنسى نفسك لحظه وتلاقي حد تعدى عليك سواء سرقة صور ليك وعمل بوروفايل باسمك او حد من عيالك غصب عنه عمل شير لصوره غير مناسبه ليك او لاهلك او او او او فربنا يسترها علينا جميعا . وياخد بحق البنت دي
عدد الردود 0
بواسطة:
نها
تستاهلوا
هذا ماجناه عليكم الفيس بوك ...ربنا يشفيكم يامدمنين الفيس
عدد الردود 0
بواسطة:
مصري
الفيس بوك ده سبب المصايب
والله يا جماعة الفيس بوك ده سبب المصايب كلها.. عبارة عن تجسس عليك من اقرب الناس ليك وانتي اللي بايدك بتخليهم يتجسسوا عليك..يعني كل واحد رايح مشوار او رايح يصيف ينزل صوره علي الفيس ...طيب انت استفدت ايه...والأخر تلاقي الحسد نازل عليك ويمكن متلحقش اساسا تيجي من المصيف وتتقلب بيك العربية وانت راجع... انا عايز اقول ان كل واحد عنده فيس بوك أسأل نفسك انت بتستفيد ايه من كل الوقت اللي عمال تضيعه في متابعة اخبار غيرك او فضح نفسك بنفسك علي الملأ
عدد الردود 0
بواسطة:
ام زي كل الامهات
بلاش صور
عشان كده انا منبهه على اولادي شباب و بنات بلاش صوركم علي النت نهائيا
عدد الردود 0
بواسطة:
Hossam
ودي اخرتها
دى بصراحة اخرة اللي ترفع صورها وفاكرة نفسها ياسلام انجلينا جولى انتى اللى سمحتى ليهم انهم يحطوا وياخدوا صورك ماترجعيش تعيطى ويارب تكون فضيحتك دي عبرة للبنات اللى عاملة معجبه بنفسها . شكلك اية قصاد اهلك انتى وهيا علشان تعملوا كدا وترفعوا صوركم..؟ انعدم الضمير فلا تلوموا الا انفسكم وربنا يستر على ولايانا.... انتبهوا دى ضحية من 10 مليون ضحية هاتستنوا اية
عدد الردود 0
بواسطة:
اللهم ارزقنا الجنة
حسبى الله ونعم الوكيل
لا تسمعى ولاتهتمى لكلام أحد واى أحد وأهم أمر فعلا بلاش صور نهائى على الجوال وبلاش حساب عام للجميع
عدد الردود 0
بواسطة:
مغتربة
لو الناس تسيب الناس في حالها كنا إرتاحنا
لكن محدش بيخليه في حاله، لازم نجيب في سيرة الناس ونتدخل في شئون غيرنا ونتكلم فيما لا يخصنا، لا نرحم ولا نخاف الله . حسبنا الله ونعم الوكيل
عدد الردود 0
بواسطة:
حر
العيب مش منك ولا من الفيس بوك .انتي مغلطيش .
العيب من مجتمع أغلبهم سفلة ومنحطين ليس لديهم ذرة قيم أو تحضر أو ايمان أو عقل . ماذا تنتظري من أشخاص يعتقدون أن الجنة وجبت ليهم "عافية أصلها " طالما قالو الشهادة .
عدد الردود 0
بواسطة:
عماد
لعنه مستمره في تدمير الكبير والصغير
لا تلومين الا نفسك ايها الفتاه الصعيديه زات الاصل والتقاليد والعادات جنيتي ثمار رفع صورك الشخصيه التي تربيتي على عدم العبث بها للأقارب من وقت لأخر على انستخراب والفيسشطان بوك