أصدرت النجمة الكبيرة نادية الجندى بيانا صحفيا تكشف فيه غضبها الشديد من تلاعب بعض المواقع بسنها الحقيقى، حيث أوضحت أنها اكتشفت عدة مواقع كل منها ينشر عٌمر مختلف عن الآخر.
وفى بيانها الصحفى التى أصدرته منذ قليل قالت: "بشكر مقدماً جميع المواقع اللى حتحتفل بيا بعد يومين يوم 24 مارس بمناسبة عيد ميلادى، وبشكر جمهورى الحبيب اللى حيعيد عليا وبيحبنى وبيشجعنى دايماً، وعايزة ألفت النظر بالنسبة للتلاعب فى تاريخ عيد ميلادى، أكتر من مرة خلال الثلاث سنوات الماضية وحتى الآن مرة 1948 ومرة 1945 ومرة 1944 ومرة 1943 ومرة 1942، ومرة 1941 ومرة 1940 والتاريخ النكتة 1938 وكل التواريخ السابق ذكرها غير صحيحة بالمرة وغير حقيقية.
وأضافت خلال بيانها: "أنه تم إرسال صورة من جواز السفر الخاص بى بالتاريخ الحقيقى، ولم يهتموا بتغييره ولم يعدلوه وذلك يؤكد للجميع أن الموضوع ده مقصود والتلاعب فيه مقصود، وأنا لم يعنينى الأمر خلال الفترة اللى فاتت بالتلاعب فى تاريخ عيد ميلادى بهذا الشكل الغريب لأن الفنان الحقيقى بقيمة الأعمال التى قدمها وليس بعمره وسنه، لكن إصرار التلاعب فيه حتى الآن بهذا الشكل المريض، ومحاولتهم أنهم يكبرونى أكتر من سنى الحقيقى بـ12 عاماً جعلنى أتحدث فيه لأول مرة، كما تحدثوا أيضاً مؤخراً عن موضوع الفنان الراحل عماد حمدى لأنهم لم يجدوا فى مشوارى الفنى مايحاربونى بيه إلا موضوع التلاعب فى سنى وموضوع عماد حمدى، وأتمنى أخيراً من الساده الصحفيين والمواقع المحترمة التى تحتفل بأعياد ميلاد الفنانين التركيز على مشوارهم الفنى وشغلهم ونجاحهم ومجهودهم وليس سنهم مع العلم أن هذا لم ولن يؤثر إطلاقاً على علاقتى ومكانتى عند الجمهور، وسوف ألجأ للإجراءات القانونية ضد أى أحد يتلاعب فى تاريخ ميلادى.
عدد الردود 0
بواسطة:
الأسكندراني
(( ناديه الجندي ))
...و...و ((( ونعم المشوار ))) !!!!!!!!!!!!!!!
عدد الردود 0
بواسطة:
مهندس عادل
بجد أتلمى بقى و أهمدى و أرحمى الناس من تصريحاتك الغ يبة دى
سن ايه و نيلة ايه ! أنتى تيتة ...كفاياكى
عدد الردود 0
بواسطة:
منين نجيب الصبر
ياست نادية أية بس الضرر الواقع عليك من تاريخ ميلادك وعموما أنت من مواليد الثمانينات ها مبسوطة
يديك الصحة وطولة العمر ربنا من غير قضايا ولا بهدلة فى المحاكم --طب لو فرضنا أنك صحيتى الصبح ولاقيتى معظم المصريين طلعوا أشاعة عن انك مثلا من مواليد------ وهذا لم يعجبك فهل ستقومين برفع قضايا عليهم جميعا --محبكش وانت كدة هئ هى وسلم لى على البتنجان--والله اللى بتقولية دة جنان فى جنان دانا نعمة اللة والاجر على الله--انا مش عارف على زعلك منين نجيب الصبر
عدد الردود 0
بواسطة:
توحيده
نجمة كل الجماهير
ربنا يحفظك و تكوني منوره دايما ياكايداهم
عدد الردود 0
بواسطة:
وليد
ايقونة مقاومة التعذيب
استحملى عشرة خمساشر سنة فرق مش هيحصل حاجة
عدد الردود 0
بواسطة:
جحا
مش مهم سنك الحقيقي المهم شكلك لسه شباب
هو فعلا منتهي الغباء كل هذا التركيز علي السن. في ممثلات في عمر اولادك و لكن شكلهم اكبر منك بكثير.
عدد الردود 0
بواسطة:
طارق
ربنا يهدى
فاكرة نفسها لسه صغيرة ....و لا وجه جديد فى السينما المصرية ....انتى ظهرتى اول مرة فى فيلم جميلة بوحريد فى دور صغير و هو انتاج 1958 يعنى بقاله 60 سنه ...و لو انتى عندك 15 سنه مثلا فى الفيلم ده يعنى عندك دلوقت ما لا يقل عن 75 سنه ...يعنى قد جدتى .....هما بقى لما كبروكى سنه و لا اتنين و لا تلاته هترفعى عليهم قصية ...صدقينى هتخسريها ....و خللى الطابق مستور احسن .
عدد الردود 0
بواسطة:
أحمد
بعد الشر على شبابك يا ست الكل
ربنا يحميكى لشبابك يا ست العرايس حتى كل ما بتقدمى بتحلوى اكتر امراءة كسرت جبروت الزمن وهزمته شر هزيمة
عدد الردود 0
بواسطة:
حليم بقال العمليه
عيب ياناس.....
... ناديه الجندى عمرها 27 سنه... و بالمناسبه الهرم اتبنى فى عهد الخديوى اسماعيل فى يوم 24 مارس بعد الضهر.....وكل سنه و ناديه طيبه....