أكد محمد فرج عامر رئيس نادى سموحه، أنه ومجلسه تراجع عن قرار الانسحاب وقرر خوض مباراة نهائى كأس مصر أمام الزمالك، حرصا على مصلحة مصر أولا وحتى لا نصدر مشاكل للدولة ولا يفرق معنا المكسب أو الخسارة .
وأضاف عامر أن ما أحزنه هو موافقة اتحاد الكرة على استقدام طاقم تحكيم أجنبى فى البداية ثم التراجع عنه، إلا أنه كرجل دولة بصفته رئيسا للجنة الشباب بمجلس الشعب رضخ لقرار الأغلبية لمجلس الإدارة بخوض اللقاء حفاظا على اللعبة .
واختتم رئيس سموحه تصريحاته أن من أخطأ فى حقه فلن نفرط فيه وفى حق سموحه، مؤكدا أن الفريق جاهز للنهائى وأن المجلس بالاجماع سيحضر اللقاء من الملعب.
عدد الردود 0
بواسطة:
محمد توفيق عاشق تراب مصر الغالي
رتيس لجنه الشباب بمجلس الشعب
بعدما صدرت المشاكل وصدعت دماغنا وعملت أزمات ,,, فاسمح لي أن نقول لك أنت شخصيه غير مسئوله ,,,, رئيس لجنه الشباب تجاوز الثمانون من عمره ورأينا جميعا تصرفاته .... شيء غريب جدا
عدد الردود 0
بواسطة:
اهبلاوى
ياسلام على من يتاجرن باسم مصر مع ان سى موح لو انسحب مش ها تفرق كثير !
يحاول يقلد الاهلى والزمالك طيب دول عندهما جمهور بالملايين انت عندك كام واحد بيشجع سى موحة ياسى حنفى طبعا حنفى احد كبار المسئولين بسى موحة اللى كان بيقول مرتضى صفته ايه يتدخل فى مشكلة الخكام المهم خير الكلام الزمالك ها يفوز كام !!
عدد الردود 0
بواسطة:
ماجد مصطفى
الريس حنفى شيخ الصيادين
خلاص حترجع المرة دى و حيقابل مرتضى منصور و حيسلموا على بعض و لا كان فية اى حاجة المهم كان على اية كل الهوجة دى و منظرك بقى عامل أية دلوقتي حاجة تكسف
عدد الردود 0
بواسطة:
منتصر عيد محمد ناصر
ايهما أصوب واكرم : الفهم ثم القرار ام القرار ثم الفهم ُثم التراجع ؟
طيب وانتوا معرفتوش مصلحة مصر إلا بعد ما إنسحبتوا بمعنى آخر ليه مكنتوش عارفين مصلحة مصر من البداية ونقول أحنا متضررين بس مش ها ننسحب علشان مصلحة مصر ؟؟؟
عدد الردود 0
بواسطة:
مصر فوق الجميع
والله أنت طلعت أونطا قوي
وكل ده كان ليه قال يعني عندك فريق برشلونه والعملية ماشية بالصدف ألا تعلم سيد فرج عامر أن ناديك من ضمن الاندية السنيدة في الدوري كي يحصل الاهلي علي الدوري والزمالك علي الكأس بمساعدة فرق مثل فريق جنابك ،، لو حضرتك كنت أهتممت شوية في قانون الرياضة كان من الممكن عمل الموازنة ولكن وجود حضرتك كعدمة لأنه في النهاية ما يرضي أتحاد الوجوه الجبس وقطبي الفساد خارج نطاق المنطق والعدالة وعندي سؤال وجيه هو حضرتك منذ متي تفهم في كرة القدم ولا هي المناصب في البرلمان توزع بنسب رأس المال كلمة في سرك نحتاج شباب بفكر جديد سواء في لجانكم الموقرة أو أعضاء في البرلمان كفاية عليكم كدة والمفروض تأخد أيديك بأيد كل الشيوخ وجميع الوجوه الجبس في المنظومة الكروية وتذهبون الي قهوة المعاشات مع عشرة طاولة؟
عدد الردود 0
بواسطة:
مصر فوق الجميع
معلش تنزل المرة دي
عارف القزم في مسرحية محمد صبحي طولة كان شبرين ومصمم ويقول متقدرش وفي الاخر محمد صبحي شالة بصباع واحد وهذا ما حدث والباقي لو عرفته سموحة حيأخذ كأس مصر ؟؟
عدد الردود 0
بواسطة:
مصر فوق الجميع
هو صحيح حضرتك تنازلت من أجل مصر
والله العظيم مصر محتارة تودي جمايلك فين بس علي مدار أربعة أو خمسة أيام وأغلظ الايامانات مش حنلعب وحننسحب وفي الاياخر تلبس العملية لمصر فكرتي ببياع الخضار في سوق الجملة عندما يحلف بالطلاق علي مدار 24 ساعة ولما سألوه أنت كدة طلقت مراتك كام مرة قال لهم ولا مرة لأني أقو الصبح أقول يا فتاح يا عليم (وعلي الطلاق أي يمين طلاق أحلفة في السوق اليوم كذب وغير حقيقي) هكذا جنابك الجميع كان عارف أنك ستتراجع وبلاش تماحيك في مصر؟؟
عدد الردود 0
بواسطة:
سموكة
قولوا معايا اللى يرجع فى كلامه يبقى ايه ؟؟؟؟
بص وشوف ياريس هم دول رجال مجلس الشعب رجال الدولة اللى اختارتهم الناس الغلابة علشان ينقذوا مصر لنا أسبوع عايشين فى مشكلة حكام مباراة فى كرة قدم والآخر يقول علشان مصر اتنازلنا ياريس المفروض اجهزة الدولة تنضف من هؤلاء الذين هرموا فى التفكير .. وشكرا لكل بنى آدم بيخاف على مصر بجد
عدد الردود 0
بواسطة:
حسن
خلاص الهدف من الزوبعة انتهي فلازم تخلص المسرحية
كانت مسرحية هزلية بطولة الاراجوز رقم ١ في مصر و الاراجوز الجديد رقم ٢ . اما الهدف من هذه المسرحية هو احداث اكبر قدر من تشتيت الانتباه بعد صدمة رفع تذاكر المترو و ما صاحبها من احتقان داخلي. غيروا المتخلف بتاع الفناكيش لان أسلوبه اصبح مكشوف قوي.
عدد الردود 0
بواسطة:
عزت حماد
رجل دولة ... بأمارة أيه؟؟
رجل دولة ساعة ما كلفت محامي برفع شكوى للفيفيا ضد اتحاد الكرة، أم حين أثرت مشكلة من لا شيء، أنا كنت فاكر مرتضى أهيف واحد في مصر طلعت أنت أهيف منه.