يشعر بكل شىء حوله فلا تكذب عليه.. كيف تخبر طفلا بوفاة أحد والديه؟

عدد الردود 0

الصبر والأيمان هما الحل !!

رد فعل الكبار تجاه وفاة أحد أفراد الأسرة هو اللى بيتوقف عليه رد فعل الأطفال , لما الأطفال يشوفوا الكبار منهارين ونازلين بكا وصويت , بيحسوا ان الوفاة دى أمر كارثى بشع حصل لحد بيحبوه , وده أحيانا بيولد للطفل عقدة نفسية تخليه يبقى ديما خايف على بقية أفراد الأسرة انهم يتوفوا هما كمان ويحصللهم الشىء الكارثى البشع ده , أو يبقى خايف بشكل مرضى انه يموت هو كمان !! لما حد من الأسرة بيحبه الطفل سواء أحد الوالدين أو أحد الأقارب يتوفى , لازم رد فعل بقية الأسرة يكون طبيعى , يعنى يفهموا الطفل ان كل الناس أصلا كانوا عند ربنا , وربنا بعتنا الدنيا علشان نقعد فيها شوية وبعدين نرجعله تانى , وربنا هو اللى بيحدد كل واحد يرجعله أمتى , ودى حاجة مش وحشة لأن ربنا عنده حجات حلوة كتير مش موجودة عندنا ومنعرفهاش , والناس الخيرين الطيبين بعد ما يموتوا ربنا بيكافئهم بحجات جمييييييلة جدااااا , واننا بنزعل بس لما حد بيموت علشان هيوحشنا ومش هنشوفه تانى لغاية ما ربنا يئذن ونموت احنا كمان , لكن اللى بيصبرنا انه بيكون عند ربنا وعنده كل الحاجات الحلوة اللى مش عندنا , ولما نفتكر حد مات نقراله الفاتحة لأنها بتبقى كأنها هدية بنبعتهاله , بيفرح بيها ويعرف اننا لسه فاكرينه , هنا الطفل هيزعل بس من منطلق ان المتوفى هيوحشه مش أكتر , وهيقتنع ان الوفاة أمر طبيعة بيحصل لكل الناس , يعنى صبرنا وقوة ايماننا وقت الوفاة هو اللى بيكتسب منه الطفل كمان صبره على وفاة اللى بيحبه . وبلاش نحسس الطفل اليتيم انه أقل من غيره وانه منقوص لأن أحد والديه مات , بالعكس ديما نقولله ان النبى عليه الصلاة والسلام نفسه كان طفل يتيم , أبوه مات قبل ولادته وأمه ماتت وهو طفل , ومع ذلك ربنا اختاره انه يكون النبى اللى يهدى الناس لعبادته .