ورقة وقلم
مشاركة
أنا عـ البلاطة فى الغرام
وقلبى فاضى من الزحام
لكنه مليان بالكلام
وادى الكلام ومفيش كلام
ياخد ويدى حضرته
والشوق ينام وأما ينام
تبقى البلاطة مخدته
وأما يقوم فى كل يوم
مش لاقى شغل لشغلته
مين تشترى قلبى الوحيد
ده قلب أحسن مـ الجديد
ومعاه ضمان زى الحديد
بالدور يا كل المعجبات
الفاتنات المغرمات
آه منكم
آه من جمالكم كلكم
لما بكون فى وسطكم
يطلع ده كله تهيؤات
مشاركة
