ريهام عبد الغفور: "هانفرح بيكى امتى" سؤال مستفز والمجتمع سبب عقدة الفتيات

قالت الفنانة ريهام عبد الغفور: "المجتمع وأهل الفتاة هم من يضعون الفتاة في عقدة عدم الزواج، وبيخلوا عليها ضغط كبير وفكرة السؤال هانفرح بيكى امتى ده سؤال مستفز والبنات معندهاش إجابة ما هو لو في حاجة هتعرف يبقى ليه تسألنى كل شوية".

وأضافت ريهام عبد الغفور، خلال لقائها في "تليفزيون اليوم السابع": "نموذج (فيفى) اللى قدمته في مسلسل كان شخصية معقدة وعندها إحساس بأنها مضطهدة لأن شخصيتها مش بتعرف تهزر وكدة، وأنا بحب دور (فيفى)، وعلى فكرة مكنوش شايفنى في الدور ده ولكن أنا طلبت أعمله لإنى قريت قصة زى كدة من وانا عندى 10 سنين ونفسى اعمل الدور ده، وكمان لأنى لما كبرت شوفت نماذج كتيرة ومختلفة".

وأشارت إلى أنه إذا الدور استلزم منها الظهور بدون مكياج فهى ترحب بذلك، وإذا ألزمها بأن تضع مكياج بكمية كبيرة فهى لا تمانع أيضا، وأن الأهم بالنسبة لها هو عمل المناسب للشخصية لكى تقنع الجمهور.