أسدلت منذ عدة أيام محكمة جنايات الإسماعيلية الدائرة الثانية، برئاسة المستشار محمد نصر الدين بركات وعضوية المستشارين محيى الدين إسماعيل، ومحمد الصواف ومحمود مجدى وأمانة سر محمد عبدالستار ومحمد العجوز، الستار عن أبشع جريمة شغلت الرأى العام فى محافظة الإسماعيلية وقضت المحكمة بالإعدام شنقًا على المتهم الرئيسى "عبدالكريم.غ.ع" وشهرته "إسلام" بعد استطلاع رأى مفتى الديار المصرية كما قضت بالسجن لمدة 10 سنوات على كل من "عبدالغفار.ي.ع"، 17 عامًا، و"كريم.ا.م" 16 عامًا، "وأحمد.م.ل"، 16 عامًا، أعوانه الذين ساعدوه فى ارتكاب جريمة اغتصاب سيدة الإسماعيلية.
وينشر "اليوم السابع" نص التحقيقات مع الزوجة الضحية، فى أقوالها أمام النيابة العامة وجهات التحقيق.
وقالت الزوجة، اسمى "عطيات.م.ا "16 عامًا ومقيمة عرايشية مصر دائرة قسم ثان الإسماعيلية وتعمل عاملة بالاستثمار.
س- ما تفصيلات ما حدث؟
ج- اللى حصل أنى متزوجة من "كريم.ع.ر" وهو شغال معايا فى الاستثمار وكان عنده تروسيكل اتسرق منه قبل حادث المقابر بيومين وعمل محضر بالواقعة ولا يعرف من السارق، ويوم الحادث فى العاشرة صباحًا كنت مع زوجى بنبحث عن التروسيكل، ثم تلقى زوجى اتصال من رقم لا نعرف صاحبه، بيأكد أن التروكيل فى مقابر الشهداء، فعلى الفور توجهنا للمقابر، وهناك فوجئنا بعربية نص نقل رصاصى شبه "غارزة" وكان راكب عليها 3 أشخاص فى صندوق السيارة وواحد سايق وأول ماشفونا نزلو وجم علينا وكانوا ماسكين سكاكين كبيرة فى أيديهم وإسلام المتهم الرئيسى فى القضية، تحدث وقال خدى يابت وكريم جوزى قال دى مراتى قعدوا يضربو فى كريم بالسكاكين اللى كانت معهم ببطنها على جسمه وراحو مثبتينه وراح إسلام شدنى من شعرى بأيده وخدنى بعيد عنه شوية وراح مطلع موس من بوقه علشان انا مكنتش عاوزة أمشى معاه وقالى لو ممشتيش معايا حاقطعلك وشك لحد ماوصلنا لمكان فى المقابر وأول ماوصلنا جالو واحد من اللى كانوا معاه واداله سكين كبيرة من اللى كانت معاهم وراح واقف فى بعيد شوية عن إسلام، وإسلام عاشرنى جنسيًا وأنا ساعتها كنت خايفة ومتوترة، وقالى متقوليش حاجة لجوزك وخدنى على المكان اللى مثبت فيه جوزى وصمم أننا نركب معاه العربية ويوصلنا وركبنا معاه أنا وكريم فى العربية ونزلنا عند أول شارع الثلاثينى وراح ماشى وأول مانزلنا من العربية حكيت لجوزى على كل حاجة وبلغت الشرطة وعملت محضر باللى حصل .
س- متى وأين حدث ذلك تحديدًا؟
ج- الكلام ده حصل بتاريخ 13/10/2020 يوم الثلاثاء حوالى الساعة 10 صباحًا بمقابر الشهداء دائرة قسم ثانٍ الإسماعيلية.
س- ما سبب مناسبة تواجدك بالزمان والمكان سالف الذكر؟
ج- أنا كنت رايحة مع كريم جوزى علشان ندور على التروسيكل بتاعه المسروق.
س- من كان برفقتك آنذاك؟
ج- أنا كان معايا كريم جوزى.
س- وما الذى آثار انتباهك تحديدًا حينذاك؟
ج - أنا شوفت عربية ربع نقل رصاصى مش عارقة رقمها أيه وكان شبه غارزة وكان راكب عليها 3 فى الصندوق وواحد سايقها.
س- وما التصرف الذى بدر من المتهمين؟
ج- أنا لقيتهم راحو نازلين من العربية وراحو جايين على أنا وجوزى وإسلام كان بيقولى خدى يابت.
س- هل كان أى من المتهمين يحمل ثمة أسلحة أو أدوات؟
ج- أيوة هم كلهم كانوا شايلين أسلحة.
س- صفى لنا تلك الأسلحة ومن كان ممسكا بها؟
ج – هو إسلام كان معاه سكينة كبيرة سنجة والباقيين كانوا ماسكين سكاكين كبيرة برضو.
س- وهل دار ثمة حوار بينك وبين المتهمين آنذاك؟
ج- أيوة
س- وما هو مضمون ذلك الحوار تحديدًا؟
ج- هو قعد يقول لجوزى أنت جايبها منين دى وكريم جوزى قاله أنى مراته وأنا قعدت أحلف له أنى مراته وهو مصدقش.
س- وما التصرف الذى بدر من المتهمين بعد ذلك؟
ج- إسلام شدنى من شعرى وضربنى بالقلم على وشى علشان أمشى معاه والثلاثة اللى كانوا معاه قعدوا يضربوا فى كريم ببطن السكاكين اللى كانت معاهم وثبتوه وإسلام خدنى غصب عنى ومشى بى فى المقابر.
س- وأين حصلت تلك الواقعة تحديدًا؟
ج – أحنا ساعتها كنا ماشيين فى آخر مقابر الشهداء.
س- وأين انتقل بك المتهم الذى يدعى إسلام آنذاك؟
ج – هو أخدنى غصب عنى فى المقابر برضو وقعد يلف شوية جوة وكنا فى مكان قريب من نفس المكان اللى وقفت فيه أنا وجوزى .
س- وما هى المسافة الفاصلة بين المكان الذى قابلكم فيه المتهمين والمكان الذى أصطحبك فيه المتهم؟
ج- هو قعد يلف بى جوة المقابر الأول والمكان اللى اخدنى فيه كان قريب جدًا وكانت مسافة صغيرة ومش عارفة أحددها بالضبط بس حوالى عشرون مترًا.
س- هل حاول زوجك كريم منع المتهم من أصطحابك؟
ج- أيوة هو حاول ولكنه معرفش عشان هم كانو معاهم سكاكين وهددوه بيها.
س- وهل حاولتى منع المتهم من أصطحابك لمكان التعدى عليكى؟
ج- ايوة أنا حاولت ومكنتش عاوزة أمشى لكن هو راح مطلع موس من بوقه وقالى لو مامشتيش حاقطع وشك وأموتك وانه لسة خارج من قضية قتل ومش فارقة معاه.
س- صفى لنا مكان واقعة التعدى عليكى جنسيًا؟
ج- هو كان مكان فى آخر مقابر الشهداء وكان ممر ضيق عرضه حوالى متر فى ناحية المقابر والثانية زى بسطة .
س- وماهى حالة الضوء والرؤية آنذاك؟
ج- هى كانت كويسة علشان أحنا كنا الصبح .
س- وهل دار ثمة حوار بينك وبين المتهم الذى تعدى عليك حال وصولك لمكان التعدى عليك؟
ج – أيوة.
س- هل حاولتى الاستغاثة حينذاك؟
ج- لا علشان انا خوفت عشان كان معاه سكين .
س- هل كان برفقة المتهم أحد حينذاك؟
ج- لا هو كان لوحده بس جالو واحد من اللى كانوا معاه وادالو سكين وبعدين استخبى وكان بيبص علينا .
س- وما التصرف الذى بدر من المتهم تحديدًا حينذاك ؟
ج- زقنى ووقعنى على الأرض وعاشرنى جنسيًا .
س- هل حاولتى منع المتهم من التعدى عليكى جنسيًا؟
ج- أيوة
س- وماهى مظاهر تلك المنع تحديدًا ؟
ج – فضلت أقوله حرام عليك وازوقه وابعده عنى لكن معرفتش.
س- هل المتهم بتجريدك من ملابسك؟
ج- ايوة.
س- وماهى الملابس التى كنتى ترتديها حينذاك؟
ج- أنا كنت لابسة عباءة سوداء وكان تحتها ترنج أزرق .
س- وهل استطالت يد المتهم إلى أجزاء حساسة من جسدك؟
ج- هو زى مانا قولت قبل كدة هو وضع يده أثناء التعدى على .
س- هل وقع من المتهم ثمة إكراه أو تهديد للنيل من مقصده؟
ج- أيوة.
س- وماهو نوع الإكراه أوالتهديد الذى استخدمه المتهم؟
ج- ايوة هو هددنى بالسكينة الكبيرة اللى كان ماسكها وقالى انه هيقتلنى لو اتكلمت.
س- وما هو موضعك بالنسبة للمتهم حال التعدى عليك؟
ج – انا كنت نايمة على ظهرى على الأرض.
س- هل من ثمة علامة مميزة بجسد المتهم القائم بالتعدى عليكى؟
ج- أنا مكنتش مركزة لأنى كنت متوترة.
س- هل تمكن المتهم من الوصول لغايته من التعدى عليك؟
ج- ايوة.
س- هل حاولتى الصياح أو الصراخ إنذاك؟
ج- لا لأنى خوفت منه يأذينى بالسلاح اللى كان معاه.
س- هل تم عن ذلك التعدى ثمة إصابات لك؟
ج- لأ
س- ماهو التصرف الذى بدر من المتهم عقب التعدى عليكى؟
ج- هو قام وقالى متقوليش لجوزك حاجة.
س- وما التصرف الذى بدر منك آنذاك؟
ج- أنا كنت متوترة وقمت بسرعة ومشيت معاه.
س- أين اصطحبك المتهم عقب التعدى عليك؟
ج- هو أخدنى ورجعنا للمكان اللى كان متثبت فيه جوزى .
س- وما هى الحالة التى شاهدتى عليها زوجك المجنى عليه كريم ؟
ج- أنا لقيتهم مقعدينه على ركبه ومثبتينه بالسلاح.
س- وما التصرف الذى بدر من المتهمين عقب ذلك؟
ج- أنا حكيت اللى حصل لكريم جوزى وبعد كدة بلغت الشرطة باللى حصل.
س- حددى لنا دور كل منهم فى ارتكاب تلك الواقعة؟
ج- هو اسلام والثلاثة اللى كانوا معاه هددونا بالسلاح اللى كان معاهم وإسلام هو اللى خدنى وتعدى على جنسيًا تحت تهديد السلاح والثلاثة الأخرين كانو مثبتين كريم جوزى .
س- وماهى أسماء المتهمين؟
ج- انا معرفش غير اللى تعدى على اسمه اسلام ومعرفش الباقيين أسمائهم ايه وعرفت اسمه لما كانو بينادوا عليه باسمه.
س- صفى لنا المتهمين تحديدًا؟
ج- بالنسبة لإسلام هو شاب متوسط الطول ومليان سنة وشعره أسود وله دقن وشنب سود وبشرته لونها أسود وكان لابس جاكت أسود وبنطلون رصاصى وفى واحد تانى شعره أصفر وأبيض وقصير ورفيع والثالث قصير وقمحى البشرة وعينه ملونة وشعره أسود والرابع طويل شوية وشعره طويل وأسود وهو أسمر البشرة وكان لابس كاب على راسه وهو ده اللى أنا فاكراه.
س- وما هو قصد المتهمين من ارتكاب تلك الواقعة؟
ج- هو كان إسلام قصده يعاشرنى واللى كانوا معاه ساعدوه على كدة.
س- وكيف وقعتى على ذلك القصد تحديدًا؟
ج- علشان هو اللى حصل وهو عاشرنى غصب عنى .
س- هل يوجد اتفاق مسبق بين المتهمين على ارتكاب تلك الواقعة؟
ج- أنا معرفش.
س- هل المتهمين كانوا على علم مسبق بساعة ومكان تواجدك؟
ج- أنا معرفش بس على ما أظن الموضوع جه بالصدفة.
س- وهل توجد ثمة علاقة أو خلافات بينك وبين المتهمين مرتكبى الواقعة؟
ج- لأ دى أول مرة أشوفهم ومفيش خلافات معاهم.
س- مطلوب منك عرضك على مصلحة الطب الشرعى لتوقيع الكشف الطبى عليكى؟
ج- موافقة.
تم أضافة تعليقك سوف يظهر بعد المراجعة