مختار نوح يكشف رفض الإخوان تعيين إبراهيم منير مرشدا للجماعة

أكد المفكر مختار نوح، أن عام 2019 كان عام نهاية تنظيم الإخوان المسلمين، وأن محمود عزت أحد أعضاء مكتب الإرشاد، أو المرشد الخفي للجماعة وزعيم التنظيم السري، ولكن لم يعترف به أحد من أعضاء الجماعة بالخارج، قائلا: "هو الوحيد اللى فلت من الضبط، عشان كده كان الإخوان هناك بيتعاملوا معاه على إنه المرشد، ونظرية الخليفة والكلام ده انتهت من فترة".

وأضاف، خلال مداخلة مع الإعلامية لبنى عسل ببرنامج الحياة اليوم، الذى يذاع على قناة الحياة: "هما عايشين وهم، وبعد القبض على محمد بديع الناس دي انقسمت على محمود عزت، ناس كانت عاوزاه وناس لا، ورفضوا إبراهيم منير لأنه يجيز المثلية والعلاقات الشاذة وهو شخص علماني، ويحيى موسى لم يتبع سوى 20 أو 30 شخص بس، وبسبب كل ده تم القضاء على التنظيم، وبمعنى تاني، الأمن المصرى قضى على التنظيم بالكامل".

وقال: "الخائن محمد ناصر بياخد مبلغ خرافي في الشهر، ومعتز مطر وزوبع نفس الكلام، دول واخدين كل التورتة، وهشام عبد الحميد، بياخد مش عارف كام ألف دولار في الحلقة، والإخوان اللي بيتسكعوا بياخدوا كلام فاضي بالنسبة للحيتان دى".