كشفت النجمة هند صبرى عن العديد من الأمور خلال استضافتها ببرنامج "معكم" مع الإعلامية منى الشاذلى في حلقة أمس التي تذاع على قناة cbc، حيث تطرقت لأمور كثيرة بخصوص مسيرتها الفنية وحياتها الخاصة أيضاً، بعدما أكدت على أنها تعتز بالعمل مع المخرج مروان حامد إلا أن المفارقة جعلتها تموت في أعماله.
وقالتهند صبري بخصوص ذلك : " "مكنتش أحب أموت في فيلم إبراهيم الأبيض ولا السقا، وفى فيلم الفيل الأزرق كان نفسى أفضل عايشة عشان أعمل الجزء الثالث، شكل مروان حامد دايما بيحب يموتنى في الأفلام".
هند صبرى مع معكم
وأكدت هند صبري، أن علاقتها مع منة شلبى شهدت مفارقات عديدة في بدايتها قائلة "أنا ومنة شلبى كان في مشاكل بينا زمان ومكناش بنطيق بعض، بسبب الناس اللى بتوقع بينا، لأن لما بدأنا طلعنا سوا في نفس الوقت زى منى زكى وحنان ترك زمان، وكنا بنسلم على بعض عادى بس بحرص شديد".
وتابعت هند صبري: "لما طلبنا محمد خان كان عاوزنا في فيلم سوا، روحنا له البيت كتعارف وسابنا قاعدين سوا في الصالون وقال رايح أعمل قهوة ومن هنا بدأنا نتكلم سوا وصفينا الموضوع ومن وقتها بقينا أصحاب أكتر بقالنا تقريبا 20 سنة".
واستكملت هند صبري: "أنا مش وحشة في خصامى، ومعنديش الكيد ولا منة شلبى، وكنا وقتها عيال أوى ومحصلش خصام ولكن زى ما قلت كان في حرص وممكن يكون في قلق بنا وفى منافسة على أفلام وأدوار، ولما كبرنا فهمنا إن مفيش حد لو نجح هيخلى الثانى يخسر حاجة، والوسط الفني في صداقات وحب وفى برده ناس مش كويسة، وأنا اتعرضت للكيد زمان في بداية حياتى وكانوا بيقولوا عليا المغتربة".
تم أضافة تعليقك سوف يظهر بعد المراجعة