حل صناع وأبطال فيلم "الحفرة" ضيوفا فى برنامج "معكم" الذى تقدمه الإعلامية منى الشاذلي، والمذاع على قناة Cbc، وتحدثوا عن كواليس تحضيرات الفيلم، حيث قال صدقى صخر: "الموضوع تسلل ليا عن طريق عمرو عابد، جالى في يوم وادانى السكريبت وقالى أنا كتبت فيلم قصير وعاوز اشوف رأيك واتكلمنا واديته رايى، فقالى أنا عاوزك بقى تلعب الدور وقلتله يلا، ولقيت كمان كريم قاسم المتكفل بالإنتاج فحسيت أننا شوية أصحاب سوا وشغفنا وحبنا للسينما والصناعة هنعمل حاجة كويسة".
وقال عمرو عابد: "بالنسبة لاختيار أحمد البنهاوى هو أول شخص جه في بالى من اللى كنا مع بعض في ورشة تمثيل في 2006، ومكناش بنتقابل او بنتقابل كل فين وفين وصدفة ومش معايا رقمه حتى وكلمت حد صاحبنا وقلتله ادينى رقم بنهاوى وكلمته".
وأضاف: "لقيته بيقولى تعالى نتقابل بكرة، وقالى أنا بعمل فيلم واخدت منه السكريبت الساعة 12 بليل وقلتله ايه اللى كتبته ده أنا معاك طبعا".
وتابع صدقى صخر: "تحضير الفيلم القصير أكبر بكتير من حاجات بنعملها في السوق، وكمان بيكون في مساحة ومش مرتبطين بمعايير تجارية أو منتظرين ربح من الفيلم، ولكن بنعمله عشان القيمة الفنية".
وعن وظيفته قبل التمثيل قال صدقى صخر: "أنا مهندس اتصالات، وكنت بشتغل مهندس في شركة وكل يوم الصبح بروح الشغل وكانت هوايتى المزيكا والتمثيل ومع الوقت بدأت الهواية تضغى على شغلى فتركت الهندسة وتفرغت للفن، وبحب أعز على آلة الهارمونيكا وهى رغم أنها آلة صغيرة إلا أنها تحتاج مجهودا وبدأت أعزف عليها منذ 10 سنوات".
واستضافتهم بعد ذلك الإعلامية منى الشاذلى في فقرة أسئلة محرجة، حيث صرح كل من: كريم قاسم وأحمد البنتهاوى وعمرو عابد، بأنهم تعرضوا للضرب من قبل في الخناقات، كما رووا مواقف كوميدية وطريفة تعرضوا لها أثناء سفرهم بالطيران.
واختتمت الحلقة بمسابقة ارتدوا فيها ملابس الكريسماس وبابا نويل مليئة بالفكاهة.
![267756730_465824681666128_405269173407914694_n 267756730_465824681666128_405269173407914694_n](https://img.youm7.com/ArticleImgs/2021/12/17/232852-267756730_465824681666128_405269173407914694_n.jpg)
![267454073_465824608332802_8549926633326396176_n 267454073_465824608332802_8549926633326396176_n](https://img.youm7.com/ArticleImgs/2021/12/17/254042-267454073_465824608332802_8549926633326396176_n.jpg)
![268322891_465824568332806_3096403206551965967_n 268322891_465824568332806_3096403206551965967_n](https://img.youm7.com/ArticleImgs/2021/12/17/257432-268322891_465824568332806_3096403206551965967_n.jpg)
![267793651_465824408332822_7445197824123686992_n 267793651_465824408332822_7445197824123686992_n](https://img.youm7.com/ArticleImgs/2021/12/17/261329-267793651_465824408332822_7445197824123686992_n.jpg)
![268042034_465824341666162_933221083657135557_n 268042034_465824341666162_933221083657135557_n](https://img.youm7.com/ArticleImgs/2021/12/17/260216-268042034_465824341666162_933221083657135557_n.jpg)
تم أضافة تعليقك سوف يظهر بعد المراجعة