قدم تليفزيون اليوم السابع تغطية خاصة حول بعنوان "الأبراج هتقولك حظك في الحب السنادي أخباره إيه.. عبير فؤاد تفك ألغاز عالم العشاق"، حيث استعرضت التغطية التي أعدتها هدى زكريا وهدى أبو بكر وقدمتها شروق وجدى حظ الأبراج مع الحب، كما تفاعلت التغطية مع أسئلة الجمهور خلال اللايف.
وقالت عبير فؤاد خبيرة الأبراج ومتخصصة علم الأرقام، إن أبراج الميزان والجوزاء والحمل والقوس، أكثر الأبراج حظا هذه السنة في الحب، وأوضحت ان توقعات الأبراج عادة لا تنطبق على الجميع، وذلك لأن اليوم بيفرق في التوقعات لذلك من الضرورى أن يكون التوقع بيوم الميلاد أيضا وليس بمجرد الشهر لاختلاف الأيام عن بعضها.
وقالت في ردها حول سؤال مواليد 10 نوفمبر "رقم 10 من الأرقام اللى عندهم حظ حلو لكن بشروط انهم يبعدوا عن الغرور ولا يطمعوا في حق مش حقهم لو بعدوا عن دول هيكون عندهم أحلى حظ".
وفى سؤال آخر للمتابعين حول يوم ميلاده 27 يوليو، قالت عبير فؤاد: "مواليد اليوم ده عنده تشتت شوية، برج الأسد السنة ديه الكواكب في مواجهة برجهم طول الوقت، فلازم ياخدوا بالهم، ونصحتى ليهم انهم مايتسرعوش فى قراراتهم ولا يعطوا ثقة لحد".
وقالت حول تاريخ 9 يوليو وهو برج السرطان: "ده تاريخ عصبى ومشوش عايز حاجات كتير في وقت واحد لكن عنده علاقات اجتماعية كتير جدا، السنة ديه هيكون عنده انفراجة كبيرة لان قبل كده كوكب زحل كان في مواجهته، لكن دلوقت الوضع اتغير".
وقالت عن برج القوس وتحديدا تاريخ 24 نوفمبر: "مش لازم يغامر السنة دية رغم أن القوس حظهم كويس، لكن الرقم 24 ممكن يكون معرض للنصب، عليهم ما يثقوش في حد، خصوصا التاريخ من 14 مايو وحتى 20 يوليو الوقت ده معرضين للنصب عليهم ، ويفضل عاطفيا مايغمرش وياخدوا قرارات متسرعة".
