قالت الفنانة نهال عنبر، إن هناك أمر مهم للغاية، متعلق بتربية الأبوين للأبناء، وهي أن بعض الآباء وبعد يوم شاق من العمل، ولا يرغب عند عودته إلى المنزل، أن يتحدث إلى أبنائه أو يتحدث معهم في أمر خاطئ اقترفوه.
وأضافت خلال برنامج "راجل و2ستات" الذي يذاع على قناة "on": "لما الراجل بيعمل كدة بتبقى هي الشريرة وده الطيب الحلو، وفي رجالة أوحش، يجي لما الولاد يعملوا حاجة غلط، ومامتهم تتلكم معاهم وعاقبتهم، فهو يرد يقولها إيه العقاب الشديد ده، وقصاد الولاد، مش بيبقوا متفقين على نظام تربية واحد وده أكبر غلط ممكن يحصل في التربية".
وأشارت الفنانة نهال عنبر قائلة: "في حاجة مهمة في التربية، لو أنا أهنت الولد، هيفقد هيبته لما يبقى أب ولما يكبر ولما يكبر هيهين أمه، وأهنت البنت وهي طفلة، هتفقد هيبتها لما تكبر، ولو أنا سمحت أن الولد يرد على أبوه، هيرد عليا في يوم من الأيام، وهتبقى مشكلة كبيرة، علشان كدة لازم يكون في اتفاق على طريقة تربية الولاد".
تم أضافة تعليقك سوف يظهر بعد المراجعة