كشف المطرب طارق فؤاد تفاصيل فترة مرضه وقال فى تصريحات تليفزيونية، إن فترة مرضه امتدت من 2016 حتى 2020
وأضاف: "فى ناس كتير وقفت معايا ولن أنسى لهم الموقف، وتامر حسنى اللى سفرنى أتعالج بره"، وأضاف: "تامر من أطيب القلوب وإنسان جميل ووقف معايا ماديا ومعنويا، وكمان الفنان أحمد زاهر وقف معايا".
وتابع: "كمان دعمنى فى فترة مرضى محمد الحلو وأحمد بدير، الحلو كان كل شهر بيديلى ظرف والمطرب الوحيد اللى سأل عنى".
وقال: "كنت متوقع من مدحت صالح وعلى الحجار يقفوا جنبى، لكن محدش سأل عليا فى التليفون خالص"، وتابع: "لكن دلوقتى بحبهم وكل جمعة ببعت لهم رسالة جمعة مباركة، ومش بيردوا علىّ أبدا ومستمر أبعت".
تم أضافة تعليقك سوف يظهر بعد المراجعة