بعد تصدره التريند لليوم الثالث: أمنيات المصريين للرئيس على هاشتاج "ادعى للسيسى بالخير"

لليوم الثالث على التوالى، تصدر هاشتاج "ادعى للسيسى بالخير"، قائمة الأكثر تداولا على التريند المصرى لموقع التدوينات الصغيرة تويتر.

ربنا يحمى مصر من الإرهاب وينصر كل اللى عاوز خير للبلد

وتنوعت دعوات المغردين ما بين الدعاء للرئيس والدعاء بصلاح أحوال البلد، حيث قال نادر: "مش بس السيسى.. ادعوا لكل جندى مصرى بطل بيحمى بلادنا ويضحى بحياته فداها.. الخير كله لبلادنا بتضحيات شهدائنا.. تحيا مصر"، بينما قال آخر: "ربنا يحمى مصر من الإرهاب وينصر أى حد عاوز خير للبلد.. السيسى بيحارب الإرهاب".

تعيش دايما مرفوع الراس زى ما رفعت راسنا وحميتنا من مصير اسود

وقالت نيفين جندى: "تعيش دايما مرفوع الراس زى ما رفعت راسنا وحميتنا ونصرتنا وانقذتنا من مصير اسود نفسهم يدخلونا فى وربى يحميك من كل شر.. ربنا يحميه و ينصره على أهل الشر اللى قلوبهم مليانة كره وينصروا على كل من يعاديه.. وتحيا مصر".

كل اللى عرفك واللى شافك بيدعى ليك الله يعينك

ودعت سامية قائلة: "يلى شايل هم بلدك فوق كتافك كل اللى عرفك واللى شافك بيدعى ليك الله يعينك".. بيكرهوك لأنك قضيت على أحلامهم.. والوهم اللى كان نفسهم يحققوه لكن خيب الله آمالهم.. وجاب لهم أسد لا يخشى إلا الله".

سلمى سليمان قالت :"يارب تجعله بكل خطوة سلام وبكل قرار توفيق وبكل لحظة بحياته ستر وصحة وعافية.. "، وقال محمد عز: "ربنا يقويك يا ريس"، فيما قالت نانسى مالك: "ربنا يحفظك ويحميك ويوفقك يا أجمل هدية وهبها الله لمصر وشعبها بعد طول عناء".

مصر تتصدر قائمة المدونين فى الهاشتاج على مستوى العالم وأمريكا ثانيا

وبحسب احصاءات موقع keyhole فتتصدر مصر قائمة المدونين فى الهاشتاج بنسبة 75% على مستوى العالم، بينما حلت الولايات المتحدة ثانيا بنسبة 30%، ثم ألمانيا بنسبة 5%، والسودان 3%، وأخيرا اليابان بنسبة 3%.