قال المهندس محمود عبد الفتاح، مهندس ميكانيكا إنتاج، مخترع "توك توك" يعمل بالماء، إن محرك التوكتوك مثله كمثل أى محرك، مؤكداً أنه لم تجرى أى تعديلات عليه سوى إضافة الجزء الخاص بتحويل المياه إلى غاز ليتم حرقه.
وأضاف، خلال حواره مع "اليوم السابع"، إلى أن كفاءة المحرك الذى عدله ليسير بالماء بديلاً عن البنزين كوقود له، أقوى بثلاث أضعاف من المحرك الذى يعمل بالبنزين، موضحاً أن الكفاءة ترجع إلى قوة التدافع التى تنتج من الهيدروجين الموجود بالماء وحرقه.
وأوضح المهندس محمود عبد الفتاح، أن هذا الاختراع هو وليد ورشته الصغيرة، لافتًا إلى أنه تحمل كافة تكاليف الاختراع من ماله الخاص.
وشدد على ضرورة اهتمام الدولة بالبحث العلمى، مطالباً الدولة بالدعم المادى تجاه اختراعه وضرورة توفير مكان مخصص له حتى يستطيع تحويل جميع أفكاره إلى حقائق ملموسة، مؤكداً أن الاختراع لن يكون مكلفًا على الإطلاق.
وأوضح المهندس محمود عبد الفتاح، قائلاً "المحرك دا زى أى محرك مش بعمل عليه أى تعديلات، بس بضيف عليه الجزء اللى بيحول المياه إلى غاز يمشيه بكفاءة أحسن 3 مرات.. ولو حصل أن إحنا مشينا عربية بالمياه وعربية بالبنزين نسبة التسارع بينهم اللى بتمشى بالمياه بتفوز على البنزين بسبب قوة التدافع.. أنا عندى ورشه تصنيع آلات علشان تخصصى أنا اللى مصنعها بأيديا أنا اللى عامل التصميم والتنفيذ، وقدمت الأوراق اللازمة علشان آخد براءة الاختراع".
وأردف: "أنا عملت النموذج بتكلفتى الخاصة، كنت بشتغل فيه فى وقت فراغى.. وأتمنى أن الدوله تتبنى المشروع ده لأنه مهم جدًا للدولة ومشروع قومى، محتاج دعم من الدوله ومكان علشان أقدر أنفذ فيه أفكارى.. وعملته هتبقى بالمحلى وفى نفس الوقت رخيصة، لأن إنتاجه محلى ومفيش جمارك ولا فيه تصنيع فى دولة أخرى.. سعرها هيكون رخيص وفى متناول يد الجميع".
وتابع: "أنا عملتها على أرض الواقع أنا مش بقول كلام على ورق، وعلى المسئولين الاهتمام بمثل هذه الاختراعات".
وأضاف: "أنا الجهاز اللى عامله بيشغلى محرك قدرته 350 cc، لكن يمكن تطويره واستخدامه فى تشغيل مولدات الكهرباء، فبالتالى مش هيحصل قطع نور وهنوفر للبلد الملايين من الدولارات يومياً.. أتمنى أن ده يطلع من داخل مصر مش من بره علشان أنا جالى اتصالات كتير من بره بس أنا عاوز المشروع يطلع من هنا.. أنا عملت الاختراع ده من خلال ورشة مش مصنع، ولو أتيحت لى الإمكانيات هيبقى الشكل مختلف وعلى أكبر وهنقدر نستفيد منه أكتر".
عدد الردود 0
بواسطة:
نهاد
اعرضوا هذا الكلام على أهل الاختصاص قبل نشره
من ألف باء الفيزياء أن الطاقة المطلوبة لاستخلاص الهيدروجين من الماء أكبر من الطاقة التي يمكن أن نستفيد بها من حرق ذلك الهيدروجين. فكيف يمكن لتلك الآلة أن تستغنى عن مصادر الطاقة المستخدمة حالياً، أو حتى أن تحقق أي توفير فيها؟!
عدد الردود 0
بواسطة:
عبد العزيز على
مشروع ممتاز
مشروع ممتاز.لو احسن استخدامه وتعميمه.ممكن يوفر مليارات للبلد.
عدد الردود 0
بواسطة:
استس يوسف
والف زيه ولا احد يهتم
مش اول اختراع بديل للطاقه كان فيه قبله محرك يعمل بالهواء وتم عمله على جرار زراعى ثم تم التكتم عليه وايضآ سيارات بالماء واخرى بالهواء وكائن هناك من لا يريد لبدئل الطاقه ان تخرج للنور
عدد الردود 0
بواسطة:
مهندس مصطفي عزت
هراء
فصل الهيدروجين عن الاكسجين الموجودان بالماء يحتاج الي طاقة،لم يقل المخترع كيف، معلوم ان طاقة الماء كمركب تساوي صفر ومعلوم ان الطاقة لا تستحدث من العدم اي من الصفر يا عم الحاج ما كانش حد غلب، اقترح عليك ان تدرس الهندسة من جديد هذا اذا كنت في الحقيقة مهندس الا اذا كنت مهندس فنكوش. مهندس مصطفي عزت-امريكا
عدد الردود 0
بواسطة:
ابو لمعه
يا أُمّةً ضَحكَتْ مِن جَهلِها الأُمَمُ
يا أُمّةً ضَحكَتْ مِن جَهلِها الأُمَمُ
عدد الردود 0
بواسطة:
متفائل
خذوا بايديهم بشرط ان تكون ايادي امينه
الفكره جميله ولكن من يقننها يجب ان يكون هناك راي للفنيه العسكريه والمصانع الحربيه
عدد الردود 0
بواسطة:
مصري وأفتخر
حتي لا يسخر منا الآخرون...
ارجو من الجريده الموقره .. ليس كل ما يقال عما تراه حقيقي. وهناك من يريدان يسلط الاضواء علي نفسه بالباطل. من كان لديه اختراع فليتقدم للحصول علي برائة اختراع قبل سرقة فكرته او اختراعه علي حد زعمه .. لمدعي الاختراع ولكل من صدق الخبر اقول لحضراتكم الاتي: 1- طبقا لقانون بقاء الطاقه فالطاقه لاتفني ولا تخلق من عدم. 2- الطاقه خلقها الله في الطبيعه في الطبيعه في صور كثيره ولها انواع مختلفه مثل طاقة الوضع وطاقة الحركه والطاقه الحراريه والطاقه الكهربائيه..... 3- يمكن تحويل الطاقه من صوره الي اخري(بصفه عامه) مع وجود فاقد نتيجة التحويل 4- ان كان مدعي الاختراع يقصد بكلمة غاز تحويل الماء الي بخار ثم استعمال البخار لتشغيل محرك ميكانيكي فقد ثبت ان محرك الاحتراق الداخلي( الذي يعتمد علي الحرق المباشر للوقود) اعلي كفاءه من محرك البخار ( الذي يحرق الوقود للحصول علي البخار) 5- وان كان يقصد بكلمة غاز تكسير الرابطه الذريه في جزئ الماء للحصول علي ذرتين هيدروجين (قبل للاشتعال) وذرة اكسجين ( مساعد للاشتعال) فان الله سبحانه وتعالي جعل الماء مصدر الحياه وعلم انه سيكون من البشر من يفكر ويحاول تكسير تلماء ذريا واستعماله كمصدر طاقه بحرق الهيدروجين ومساعدة الاكسجين لذلك جعل الله الطاقه الناتجه من حرق جزئ ماء أقل من الطاقه المستعمله لتكسيره الي هيدروجين واكسجين مهما كانت الطريقه المستعمله وبالتالي لن يلجأ البشر الي هذه الطريقه الي قيام الساعه حيث تسجر البحار وتحترق المياه بامر الله. 6- وبالتالي يكون الخبر مجرد هراء من الناحيه العلميه علي غرار الوحش المصري
عدد الردود 0
بواسطة:
خليفة
ممتااااااااااااااااااااااااز
كل التعليقات لية الجدال ولية الاحباط الي عندكم دة كله ... عقدة الخواجة بردو ولا شايفنها بمنظور علمي من بنات افكاركم .. مشروع زي دة ممكن يبقي حقيقة لو طلع للنور والدولة دعمتة اتقو الله وانظرو للمستقبل وادعمو الناس وعلمهم غيرهم اتخطف واتقتل واغتيل واتباع لدول تانية اتقو الله يا مصريين احنا لية مش شايفين نفسينا اجسن علشان نبقي احسن واحسن
عدد الردود 0
بواسطة:
محمد عبدالله
يا ريت تقبل اي عرض في دوله تانيه بسرعه و تنازل عن الجنسيه
احنا مش ناقصين تكاتك حني لو بتمشي لوحدها من غير بنزين كل واحد يقول عرضوا علي ملايين من دول كتير بس انا عاوز مصر لاء سافر و ربنا يوفقك بس ما تنساش تبعت لنا لما تمضي العقد ، شبعنا من الفنكوش انا عندي اختراع ان اصنع طياره مقاتله من اجنحه النحل و اتعرض عليا القميص الأبيض بتاع المجانين بس انا عاوز أنفذ الاختراع ده في فينو علشان مش عاوز بلدي
عدد الردود 0
بواسطة:
محمد
التعليق رقم 5
الى التعليق رقم 5 ، يا ريت تقول بيت الشعر كامل، و هو: أغاية الدين حف الشوارب و إطلاق اللحى ، يا أمة ضحكت من جهلها الأمم .. يعنى المقصود بيه الناس اللى مش عارفين يعملوا حاجة إلا تربية اللحي أما المخترع اللى زى ده فعلينا تشجيعه حتى و إن لم يحالفه التوفيق