بالفيديو.. أحدث طريقة لبيع السمك.. الزبون هو إللى بيصطاد!

لشراء السمك طريقتين الأولى مشوى أو مقلى والثانية من عند بائع السمك لكن الجديد هو اصطياد السمك البلطى من حوض سمك الزينة وهذا الجديد الذى قدمه عم سلامة مسعد بائع السمك والذى تحدث عن فكرته لكاميرا " فيديو 7" قناة اليوم السابع المصورة قائلا: "أنا بقالى 50 سنة فى مهنة السمك من صغرى فيها وكان السمك زمان كتير وبيتباع بالرطل وكان بـ3 تعريفة وكان الخير كتير دلوقتى مفيش الدنيا خفت".

وأضاف: "السمك بتاعنا بيكون صاحى دايما الصياد بيصطادوا وبيجبهولنا من البحر للمحل على طول وبنحطه فى طشت أو حوض أو أى حاجة وبيتباع صاحى وموتور الحوض بيدخله أوكسجين بيعيش وقت أطول".

والتقط نجله والذى يعمل معه بائع فى المحل اطراف الحديث، قائلا: "السمك لما يتباع صاحى بيكون طعمه مختلف وحلو عن إنه يكون ميت والزبون بيكون مطمن".