ياللى مش عجباك حياتك
يالى بتقول ليه وليه
بص شوف كده ناس كتيره
ضايعه مش لاقيه الجنيه
ناس بتشحت ناس فقيره
احمد ربك على انت فيه
ناس فى خط الفقر عايشه
ناس بتسكن جوه عشه
ناس بتحلم تلقى قشه
طوق نجاه تتحامى فيه
يالى مش عجباك حياتك
بص شوف حال البيوت
بيت حيطانه مشققه
بيت بطين حاضن سكوت
ناس بتسكن فى الخرابه
وفى الزباله تلم قوت
ناس وناس تايهين فى سكه
ناس بتمشى وناس تفوت
ياللى مش عجباك حياتك
يالى بتقول ليه وليه
ناس بتسكن فى الشوارع
حتى مش لاقيه الرغيف
ناس حياتها بجد صعبه
ناس حياتها شجر خريف
هيا دنيا الموت أخرها
أى واحد فيها ضيف
ياللى مش عجباك حياتك
ياللى بتقول ليه وليه
