قال الدولى المصرى محمد صلاح، نجم ليفربول الإنجليزى، إنه سعيد بمشاركته فى الحملة التى تناهض المخدرات وتهدف للإقلاع عن الإدمان، مؤكدا أنه سعيد أيضا برد الفعل الجيد لتلك الحملة والتى حققت نسبت نجاح 400%، وتابع:"مبسوط جدا إنى أعمل حاجة والناس تستفيد منها بشكل كبير.. وإنك تغير فى حياة شخص ودى حاجة كبيرة جدا بالنسبالى".
وأضاف محمد صلاح، خلال حواره مع الإعلامى عمرو أديب، ببرنامج "كل يوم" المذاع عبر قناة ON E، أنه على اتصال دائما مع أهله وأصدقائه فى قريته نجريج، وتابع: "أصحابى اللى اتربيت معاهم وحتى قبل ما ألعب كورة كنا مع بعض، ومش بخاف إن أتغير ومجتليش لحظة إنى أتغر"، مستكملا: "لما حد ييجى يتصور معايا لازم أضحك فى وشه علشان هو نفسه يبقى سعيد، وحتى لو كنت مضايق هو ملهوش ذنب إنك مضايق".
وكشف نجم ليفربول عن طعامه فى إنجلترا قائلأ: "أكلى هنا صحى، وباكل 4 مرات أو 5 فى اليوم.. لكن الأكلة المصرية المفضلة ليا هو الكشرى ووالدتى لما بتيجى عندى بتطبخ حمام وبط، وبحب أكل السمك، لكن فى لندن أكلى كله صحى مش زى اللى فى مصر".
تم أضافة تعليقك سوف يظهر بعد المراجعة