عندى سؤال بيتحدى الجميع
مين يقدر يِعرض حياته للبيع
طبعا الاجابة مفيش
أغلبنا أدمن يعيش
هستثنى الرجال مشاريع الشهدا
اللى بيضحوا راضيين وسعدا
عكس طبيعة الإنسان الدنيوى الانانى
استحملونى.، عندى سؤال تانى
تاخد كام وتكون مكان الشهيد
تقدر تموت عشان غيرك يعيش سعيد
طبعا مش هلاقى اجابة
الكل شايف الموت فراق وحسرة وكآبة
الإجابة يا سادة فى سينا مكتوبة بدمهم
وفى الازهر شفنا بطولة تخلد ذكرهم
هناك فى مصانع الرجال
علموا ولادنا الابطال
ان الموت شهادة
والوطن ذى الصلاة والصوم..عبادة
خلصت اسئلتى للمشككيين والحياديين
بس لسه سؤال لأبطالنا الفدائيين
شعوركم ايه وانتو رايحين تسلموا على الموت
عادى عندكم تفكيك العبوات يااسود
ولاعندكم خلى عندكم فى الحق صمود
طيب مفكرتش ثانية
وانت بتفدى ام الدنيا
ان عندك ام تانية.، غير مصر
قلبها هيتعصر عليك عصر
مفكرتش فى ولادك ومراتك
فى ابوك فى شبابك واخواتك
سامع اجابتك بترن فى الجنة
بتقول انا عندى يقين ياخوانا
مينفعش اعيش فى الدنيا واتهنى
اشرف لى اموت وبلدى بدمى تتحنى
سوال اخير لاخوان الشياطين
ولادنا شهدا طب انتو مين
لو مأجورين او حاقدين
بلاش تتاجروا باسم الدين
تم أضافة تعليقك سوف يظهر بعد المراجعة