"وراء كل رجل عظيم امرأة عظيمة"، عبارة متداولة فى حياتنا تقال لنجاح شخص فى حياته زوجة صالحة داعمة له ومساندة ودائماً فى عونه، فسيدات مصر قادرات على تحمل الصعاب والوقوف بجانب أزواجهن وقت الأزمات أو بمعنى أصح على المُرة والحلوة معاه.
وفى حلقة جديدة من برنامج تكية رحمة، نلتقى أم عبده امرأة ثلاثينية وأم لطفل وطفلة تعمل جوار زوجها على عربة فول خاصة بهم فى إحدى قرى محافظة القليوبية، وبالرغم من أنها كانت فتاة مدللة فى منزل والدها إلا أنها فضلت نزول الشارع لتبقى خير سند لزوجها بالرغم من اعتراض أهلها على ذلك الأمر.
قالت: "أصعب وقت كان بيعدى علينا لما الدنيا بتمطر ونلم حاجتنا ونرجع البيت أو نفضل واقفين فى البرد والمطر عشان نرجع بلقمة عيش لولادنا، هكذا عبرت عن مدى الصعاب التى واجهتهم فى حياتهم.
واستكملت حديثها: عربية الفول دى وش الخير وسميناها الإيد الشقيانة كسبانة، وبنعمل يوم كل شهر الأكل ببلاش لوجه الله وباقى الأيام اللى مش معاه فلوس بياكل.
وتابعت، "حمايا هو اللى اختارنى، وقال لجوزى اختارت لك أم قبل متكون زوجة، ووافقت أتجوزه فى دار فلاحى وبدبلة بس وبعتها عشان يشترى عربية الفول دى".
أما عن أمنيتها فهى لا تتمنى من الدنيا شىء سوى زيارة بيت الله الحرام.
ويذاع برنامج تكية رحمة على تليفزيون اليوم السابع ومنصاته على السوشيال ميديا وهو من تقديم رحمة خليفة، إخراج شادى أبو الحسن، تصوير أحمد معروف، ومونتاج نانيس هيكل.
