قال الدكتور أحمد شلبى، مستشار اللغة العربية بوزارة التربية والتعليم والتعليم الفنى، إن مواصفات الورقة الامتحانية بامتحان العربى للثانوية العامة لن تشمل أسئلة فى المفردات الخاصة بسؤال القصة، فقد تم إلغاء أسئلة المفردات واللغويات، للتخفيف على الطالب.
وأضاف مستشار اللغة العربية فى تصريحات خاصة لـ" اليوم السابع"، أن الطالب سوف يتعامل مع سؤال القصة مثل أى سؤال آخر، حيث يهتم بالأحداث التى تدور بها والشخصيات الموجودة بالقصة أكثر من اللغويات ومفردات الكلمات، كما أن السؤال سيكون بدون فقرة، فى الوقت الذى يتم فيه الالتزام بمواصفات الاسئلة كما هى من حيث المستويات المعرفية، وأن تتنوع بين الموضوعية والمقالية.
عدد الردود 0
بواسطة:
sameh
سيل التصاريح اليومية
يطالعنا السيد الوزير يوميا بتصريح جديد.. الواضح إنه غاوى تصاريح ...علاوة على حب الظهور الذى يسيطر عليه بوضوح... رجاء أن تكف عن التصاريح وأن تعمل فى صمت....نحن ننتظر ما ستسفر عنه التغييرات التى تطالعنا بها كل يوم يا سيادة الوزير.....
عدد الردود 0
بواسطة:
نور احمد
كفاية ثرثرة فى الفاضى
- كل يوم تصريح جديد وخبر جديد عن الثانوية العامة وكانها نهاية العالم - يا سادة كفاية كلام عن الثانوية العامة
عدد الردود 0
بواسطة:
اماني محمد
الثانويه
الله يفتح عليك
عدد الردود 0
بواسطة:
عماد
البصمه
مطلوب ان يبصم كل طالب على احرف ورقه الاجابه بصمه الكوتشينه بحيث لا تاخذ وقت ولا يستطيع الطالب انكار او قطع ورق منها
عدد الردود 0
بواسطة:
بنت مصرية
جه يكحلها !!
يا سيادة الوزير انت كده طبقت المثل الشعبى القائل , جه يكحلها عماها !! يعنى ايه نلغى المفردات من لغة ؟؟ ودى تبقى لغة ازاى اذا مكانش الدارس يفهم معانى مفرداتها ؟؟ اذا كانت اللغة أصلا عبارة عن مفردات وقواعد , استخدام القواعد لترتيب المفردات هو اللى بيكون الجمل , يعنى هو اللى بيعمل اللغة , من غير فهم الطالب لمفردات اللغة هيكون جمل ملهاش معنى !! لأنه ببساطة ممكن يحط كلمة فى جملة ملهاش دعوة بيها اصلا , زى مثلا ( عندما انساب الغدير فى غرفة فلان , قام ليتوضأ لصلاة العصر ) لو هو ميعرفش ان الغدير معناه نبع المياه ممكن جدا يقول كده !! فهنا يبقى اللى بيتكلم ده مجنون لأن الغدير عمره ما بينساب فى غرفة حد !! هو ينفع اعلم حد انجليزى من غير ما اعلمه معانى الكلام بالأنجليزى ؟؟ وسيادك قبلنا عارف كويس ان الطالب المصرى بيقرأ للأمتحان مش للتعلم , يعنى اللى مش هيمتحن فيه عمره ما هيقرأه !! هى اللغة العربية ناقصة دى قربت تنقرض !!
عدد الردود 0
بواسطة:
زينب
ما هي مش فارقه
زعلانين عشان الحكومه لغت المفردات من القصه ومش زعلانين علي نظام التعليم نفسه ، حضرتك يا (بنت مصريه) اكيد مش في ثانويه عامه عشان كده لا اعتقد انه من حقك تتكلمي بالنيابه عنا لأنك مش شايفه كميه الحشو اللي في المناهج ولا شايفه معانتنا اي حاجه بسيطه بيتم الغائها بتوفر وقت للمذاكره ، قبل ما تتعصبي علي الغاء المفردات ابقي بصي علي باقي المواد و خصوصاً الرياضه اللي بقت ضعف منهج السنه اللي فاتت مره ونص اللي لحد الان لم ننها عشان نراجعها اصلاً ، تعترضون علي اي شئ قبل ما تفكروا فيه زي البوكلت للعلم البوكلت متطبق في الامارات من سنين طويله واخواتي امتحنوا عليه هناك و عن تجربه قالوا ان دا الصح لكن انتم لا ، حاربتم البوكلت و انتم اصلاً لا تعرفوه و اعترضوا وخلاص ، فكروا قبل ما تتكلموا .
عدد الردود 0
بواسطة:
Nassar
الاسماعيليه
يا سيادة الوزير لو فى اى نيه لحذف اجزاء من منهج شهر 4 ياريت القرار يكون اسرع شويه بدل ما نضيع الوقت واحنا بناخدو فالدروس وفالاخر يتلغى
عدد الردود 0
بواسطة:
طالب ثانوى
المنصورة
معلشى احنا بنتكلم